Ölvaður ökumaður olli umferðaróhappi í miðbæ Reykjavíkur á tólfta tímanum í gærkvöldi. Engin slys urðu á fólki en ökumaðurinn var fluttur á lögreglustöð í sýnatöku og vistaður í fangageymslu, að því er segir í dagbók lögreglu.
Þá voru fleiri ökumenn stöðvaðir vegna gruns um akstur undir áhrifum áfengis- eða fíkniefna. Allir voru þeir handteknir og fluttir á lögreglustöð en látnir lausir að lokinni sýnatöku.
