Haldlögðum bíl stolið úr vörslu lögreglu

Bíl sem lögreglan á Suðurlandi hafði tekið af eiganda var stolið úr porti lögreglustöðvarinnar á Selfossi aðfaranótt laugardags.

Forsaga málsins er sú að lögreglan hafði haldlagt bifreiðina vegna ítrekaðra umferðarlagabrota eiganda og átti að láta reyna á það fyrir dómi hvort bifreiðin yrði varanlega tekin af honum vegna brota hans. Þegar bílinn var sóttur til eigandans fundust ekki lyklar af honum og var hann því dreginn af vettvangi.

Samkvæmt upplýsingum frá Lögreglunni á Suðurlandi kom eigandi bifreiðarinnar aðfaranótt laugardags og tók bifreiðina ófrjálsri hendi. Engu máli skipti þó öðrum bíl frá embættinu hafði verið lagt fyrir.

Bíllinn fannst hjá eigandanum daginn eftir. Var hún aftur tekin og eigandinn boðaður í skýrslutöku.