Tólf skotnir í hrekkja­vöku­veislu í Long Beach

Að minnsta kosti þrír eru látnir og níu særðir eftir skotárás sem varð í hrekkjavökuveislu í heimahúsi í Long Beach í Kaliforníu í gærkvöldi.

Bandarískir fjölmiðlar segja árásina hafa verið gerða skömmu fyrir klukkan 23 að staðartíma. Slökkvilið greinir frá því á Twitter-síðu sinni að hinir þrír látnu séu allir fullorðnir karlmenn.

Lögreglu grunar að tveir grímuklæddir menn hafi staðið fyrir árásinni. Segja nágrannar að hrekkjavökuveisla hafi staðið yfir í húsinu þegar árásin var gerð.

Enn hefur enginn verið handtekinn vegna málsins.

At 10:44 pm, @lbfirefighters responded to shooting at a residence on the 2700 block of 7th Street. An MCI was declared with a total of 12 patients. 3 confirmed fatalities (adult males) 9 patients transported to local area hospitals. 5 immediate & 4 delayed. PIO onscene. pic.twitter.com/k8txxNqZfL

— Long Beach Fire (CA) (@LBFD) October 30, 2019