Netanyahu heitir því að inn­lima Vestur­bakkann

Benjamin Netanyahu, Ísraelsforseti var rétt í þessu dreginn af sviði og færður í sprengjubyrgi þar sem eldflaugum var skotið í átt að Ashdod, þar sem hann var staddur, frá Gaza. Hann var staddur þar á framboðsfundi. 

Benajmain Netanyahu telling the crowd to evacuate before being taken to a nearby bomb shelter after a number of rockets were fired from the Gaza Strip towards Ashdod#Israel#Gazapic.twitter.com/G4K5S5Fm7j

— CNW (@ConflictsW) September 10, 2019

Fyrr í dag hét hét hann því að hann muni innlima hluta Vesturbakkans, við landamæri Jórdaníu, ef hann hlýtur endurkjör í næstu viku. Frá þessu er greint á vef breska ríkisútvarpsins.

#BREAKING: Netanyahu being evecuated from stage during an election rally in Ashdod, after sirens were heard pic.twitter.com/bj9qcRlbSd

— Amichai Stein (@AmichaiStein1) September 10, 2019

Netanyahu segist ætla að tryggja fullveldi Ísrael yfir Jórdandalnum og norðurhluta Dauða hafsins.

Innlimun yrði mjög líklega vinsæl meðal hægri flokka, sem hann þarf að treysta á til að mynda ríkisstjórn, en myndi verða harðlega mótmælt af Palestínumönnum.

Vesturbakkinn hefur verið hernuminn af Ísraelsríki síðan árið 1967 en var þó ekki innlimaður inn í ríkið.

Loforð Netanyahu, sem er leiðtogi hægri flokksins Likud, er gefið aðeins viku fyrir kosningar til þings sem haldnar verða á þriðjudaginn næstkomandi. Samkvæmt skoðanakönnunum í Ísrael er mjótt á munum á milli Likud og Bláa og hvíta flokksins og gæti því reynst erfitt að mynda nýja ríkisstjórn.

Palestínumenn hafa lýst því yfir að Vesturbakkinn verði í framtíðinni sjálfstætt ríki en Netanyahu hefur ítrekað sagt að Ísraelsríki muni halda til í dalnum vegna öryggisráðstafana.

Ísraelsríki hernam Vesturbakkann, austurhluta Jerúsalem, Gaza og sýrlensku Gólan hæðirnar á meðan á stríðinu stóð árið 1967. Austurhluti Jerúsalem var innlimaður í ríkið árið 1980 og Gólanhæðirnar árið 1981 þrátt fyrir að hvorug innlimunin hafi verið samþykkt af alþjóðasamfélaginu í áratugi.

Síðan Donald Trump, Bandaríkjaforseti, tók við hafa bæði austurhluti Jerúsalem og Gólanhæðir verið viðurkennd sem hluti af Ísraelsríki af Bandaríkjastjórn, sem er andstætt öllum fyrri stefnum Bandaríkjanna.

Á Vesturbakkanum og austurhluta Jerúsalem eru meira en 140 ísraelskar landnemabyggðir sem eru ólöglegar undir alþjóðalögum en Ísraelsríki segir það rangt.

Meira en 600 þúsund gyðingar búa í landnemabyggðunum en Palestínumenn vilja þá burt.

Netanyahu tilkynnti það einnig að friðarsamningur á milli Palestínu og Ísrael, sem Bandaríkjastjórn setti saman og Trump kallar „Samning aldarinnar,“ muni líklegast vera birtur innan fárra daga.

Palestínumenn hafa þegar hafnað friðarsamningnum og hafa sakað Bandaríkin um að vera hliðholl Ísrael.