Peningarnir komust frá Hörpu til lögreglu á Suðurlandi

Erlendur ferðamaður kom á lögreglustöðina á Selfossi í dag með peninga sem hann fann við tónlistarhúsið Hörpu í miðbæ Reykjavíkur. Ferðamaðurinn óskaði eftir aðstoð lögreglu við að finna eiganda peninganna, að því er fram kemur í tilkynningu frá lögreglu.

Lögregla biður eiganda peninganna, eða þann sem hefur upplýsingar um eigandann, að hafa samband við lögreglu á Suðurlandi. Tekið er fram að eigandi peninganna verði að geta gert grein fyrir eignarhaldi sínu á þeim, hyggist hann vitja þeirra.