Þjálfara langaði að lemja eigin leikmann | Myndband

Það er mikið verið að skamma Tom Izzo, þjálfara körfuboltaliðs Michigan State, eftir að hann brjálaðist út í leikmann síns liðs í gær.

Michigan State ætlar sér stóra hluti í úrslitakeppni NCAA sem nú er í fullum gangi. Það gekk illa hjá liðinu í gær og Izzo tók reiði sína út á Aaron Henry.

I’ll be happy when this type of coaching finally goes extinct as this generation of coaches retire and fade away. pic.twitter.com/vzeFlYfeXa

— BBALLBREAKDOWN (@bballbreakdown) March 21, 2019

Izzo rekur puttann fast í Henry, öskrar á hann og eftir því var líka tekið að hann var með krepptann hægri hnefann. Augljóslega dauðlangaði til þess að lemja leikmanninn.

…Sheesh. pic.twitter.com/D4uTyTXlb5

— Bleacher Report CBB (@br_CBB) March 21, 2019

Aðrir leikmenn urðu svo hreinlega að stíga á milli áður en þjálfarinn missti algjörlega stjórn á skapi sínu. Þessar forneskjulegu þjálfaraaðferðir fara illa í fólk og Izzo skammaður víða.

Þjálfarinn sá enga ástæðu til þess að biðjast afsökunar á hegðun sinni í garð Henry eftir leikinn. Michigan State hafði að lokum ellefu stiga sigur gegn Bradley í leiknum og Izzo verður undir smásjánni í næsta leik.