Lisbet Palme, ekkja Olof Palme, fyrrverandi forsætisráðherra Svíþjóðar, er látin, 87 ára að aldri.
Fjölskylda hennar staðfestir þetta í samtali við sænsku fréttastofuna TT. Hún hafði glímt við veikindi um nokkurt skeið.
Lisbet Palme var barnasálfræðingur að mennt og var um tíma forseti UNICEF í Svíþjóð.
Lisbet Palme var á gangi með eiginmanni sínum á Sveagatan í Stokkhólmi þegar hann var skotinn til bana í febrúar 1986. Þau höfðu þá verið gift í þrjátíu ár.
Sakaði Petterson um morðið
Þremur árum eftir morðið sagði hún smáglæpamanninn Christer Pettersson hafa verið banamann eiginmanns hennar. Hann var dæmdur fyrir morðið, en sýknaður á æðra dómsstigi.
Olof Palme var leiðtogi Jafnaðarmannaflokksins á árunum 1969 til dauðadags 28. febrúar 1986. Hann gegndi embætti forsætisráðherra á árunum 1969 til 1976 og aftur frá 1982 til dauðadags.
Lisbet Palme er látin
Tengdar fréttir
Lögreglan rannsakar nýjar vísbendingar um hver varð Olof Palme að bana
Maður sem var lykilvitni við rannsókn lögreglu á morðinu á Olof Palme hefur nú sjálfur verið tengdur við morðið.
Þrjátíu ár frá morðinu á Olof Palme: 133 hafa játað á sig morðið
Morðið á sænska forsætisráðherranum er enn óupplýst.
