Kalla inn innfluttar lúxuskótilettur vegna gruns um salmonellu

Krónan ehf. hefur, í samráði við Heilbrigðiseftirlit Reykjavíkur, ákveðið að innkalla af markaði lúxus ókryddaðar og kryddaðar grísakótilettur frá Spáni vegna þess að við eftirlit á markaði hefur Salmonella greinst í vörunni. Nánari rannsókna er þörf til að staðfesta greininguna.

Eftirfarandi upplýsingar auðkenna vöruna sem innköllunin einskorðast við:

Vörumerki: Krónan.

Vöruheiti: Lúxus grísakótilettur úrb., lúxus grísakótilettur ítölsk marinering, lúxus grísakótilettur new york.

Síðasti notkunardagur: Allar dagsetningar.

Geymsluskilyrði: Kælivara.

Upprunaland kjöts: Spánn.

Innflytjandi: Krónan ehf., Skarfagörðum 2, 104 Reykjavík.

Framleiðandi: Krónan ehf.

Dreifing: Verslanir Krónunnar um land allt.

Neytendur sem keypt hafa þessar vörur eru beðnir um að skila þeim í næstu Krónuverslun og fá þær endurgreiddar.