Gengi Víkinga og þjálfaramál félagsins voru til umræðu í Pepsi-mörkunum í gærkvöldi.
Víkingur tapaði fyrir KR, 3-0, um helgina en liðið er nú í tíunda sæti með níu stig að lokinni fyrri umferð mótsins.
Ólafur Þórðarson sagði í viðtölum eftir leik að hans menn hafi ekki átt mikið skilið úr leiknum.
„Ég hef aldrei séð Óla jafn andlausan og í þessu viðtali. Þá vil ég frekar sjá hann öskra eitthvað,“ sagði Arnar Gunnlaugsson.
Hjörtur Hjartarson bendir á að ef uppskera Víkings verður jafn mikil í síðari umferðinni og þeirri fyrri muni liðið falla. Átján stig verði ekki nóg til að halda sér uppi.
Hörður Magnússon veltir því upp hvað eigi að gera. Á að skipta um báða þjálfarana, bara annan eða engan?
„Ég þekki samstarf Óla og Milos og það er mjög gott. Það var það allavega. En það reynir mest á samstarfið þegar illa gengur. Hver á þá að ráða?“ spyr Hjörtur.
„Mönnum finnst líklegra að Óli fari en mér finnst það mjög asnalegt,“ bendir hann á. „Þetta er bara 50-50 og þeir eru báðir ábyrgir fyrir lélegu gengi.“
Pepsi-mörkin: Á Óli að taka meiri ábyrgð en Milos?
Tengdar fréttir

Uppbótartíminn: Til hamingju með daginn, Gulli!
Ellefta umferð Pepsi-deildar karla gerð upp í máli, myndum og myndböndum.

Umfjöllun, viðtöl, einkunnir og myndir: Víkingur - KR 0-3 | KR kláraði dæmið í fyrri hálfleik
KR endurheimti 2. sætið í Pepsi-deild karla með öruggum 0-3 sigri á Víkingi í kvöld.