Tímaspursmál hvaða banki yrði fyrstur Óli Kristján Ármannsson skrifar 20. desember 2006 07:30 Evrur Ekki virðast í bráð uppi ráðagerðir hjá stóru viðskiptabönkunum að færa bókhald sitt yfir í evrur líkt og Straumur-Burðarás Fjárfestingabanki hefur upplýst um að hann ætli að gera um áramót. Málið hefur þó verið rætt og er til stöðugrar endurskoðunar bæði í Landsbankanum og Glitni. Kaupþing kýs hins vegar að tjá sig ekki um málið. Bjarni Ármannsson, forstjóri Glitnis banka, gerir ráð fyrir að Straumur-Burðarás meti stöðuna svo að breytingin auðveldi bankanum aðgang að fjárfestum eða þetta styðji við þeirra framtíðaráform. „Hjá Glitni höfum við farið þá leið til að minnka áhættuna af sveiflum í krónunni að gefa út bæði eiginfjárígildi og víkjandi lán í erlendum myntum, aðallega evrum og dollar,“ segir hann og bendir á að meirihluti rekstrarkostnaðar Glitnis sé hér á landi og ekki tímabært að færa uppgjörið í aðra mynt. „En samhliða aukinn alþjóðavæðingu hljóta svona mál alltaf að vera til skoðunar.“ Halldór J. Kristjánsson, bankastjóri Landsbankans, segir gott eitt að segja um ákvörðun Straums-Burðaráss. „Eins og fram kom hjá þeim stefnir félagið fyrst og fremst að þátttöku í erlendum verkefnum og erlendar eignir eru sterkur þáttur í starfsemi þeirra,“ segir hann og bætir við að ávallt verði áleitið eftir því sem tiltekin erlend mynt vegi þyngst í starfsemi fyrirtækis að gera félagið upp í henni. Hann bendir á að samkvæmt alþjóðlegum reikningsskilareglum sé við tiltekin skilyrði ekki bara heimilt heldur rétt að taka upp reikningsskil í þeirri mynt sem telst vera starfsemismynt viðkomandi fyrirtækis. Þar sé fyrst og fremst horft til samsetningar tekna og gjalda. „Þá hygg ég að þetta hafi verið nú verið rætt í stjórnum flestra fyrirtækja,“ segir Halldór, en kveður enga nýja umræðu um málið í Landsbankanum. Þá segist hann ekki geta tjáð sig um það hvort uppgjör í evrum sé vænleg leið fyrir Landsbankann, enda bankinn bundinn tilkynningaskyldu varðandi slíkar ákvarðanir. Sömuleiðis segir Sigurður Einarsson, stjórnarformaður Kaupþings banka, að þar á bæ kjósi menn að tjá sig ekki um vænleika þess að færa uppgjör fyrirtækisins yfir í evrur. „Stærstu fjármálafyrirtæki landsins hafa meirihluta sinna tekna í erlendri mynt og þess vegna mjög eðlilegt að þau skoði þessa möguleika,“ segir Guðjón Rúnarsson, framkvæmdastjóri Samtaka banka og verðbréfafyrirtækja. „Kannski má segja að tímaspursmál hafi verið hver yrði fyrstur til að stíga þetta skref.“ Guðjón segir ákvörðunina hins vegar liggja hjá bönkunum og vandi um að spá hvort fleiri fylgi í kjölfarið. Hann segir mestu skipta að starfsumhverfi fjármálafyrirtækja hér sé með þeim hætti að fyrirtækin kjósi að hafa höfuðstöðvar sínar hér og greiði hér skatta og skyldur, minna máli skipti í hvaða mynt þau geri upp. „Þetta er bara þróun sem er að eiga sér stað.“ Jón Sigurðsson, iðnaðar- og viðskiptaráðherra, segir Straum-Burðarás fara leið sem honum er heimil og allmörg stór og meðalstór fyrirtæki í milliríkjaviðskiptum hafi þegar gert. Hann varar hins vegar við því að of víðtækjar séu dregnar af ákvörðun bankans enda „Hér er um fjárfestingabanka að ræða og áhrif þessarar ákvörðunar ráðast af því hver verði viðbrögð helstu viðskiptaaðila bankans. Ef það eru fyrirtæki sem sjálf gera upp í evru breytir þetta augljóslega litlu eða engu. Ástæðulaust er að gera of mikið úr áhrifum þessa því þetta er fjárfestingabanki sem gegnir sértæku hlutverki á markaði og þar af leiðandi ekki sambærilegur við önnur fyrirtæki sem gegna almennara og víðtækara hlutverki.“ Fréttir Innlent Viðskipti Mest lesið Leist ekki á hagtölur og rak yfirmann stofnunarinnar Viðskipti erlent Ferðum Play til London, Parísar og Berlínar „sjálfhætt“ Viðskipti innlent Tímabundin dreifing á sjónvarpsefni Sýnar hjá Símanum Viðskipti innlent Hækkun tolla eins og þruma úr heiðskíru lofti Viðskipti innlent Forstjóraskipti hjá Ice-Group Viðskipti innlent Kísiltollar gætu vel endað fyrir gerðardómi Viðskipti innlent Á ég að greiða inn á lánið eða spara? Viðskipti innlent Plastkubbahús sem eru íslensk hönnun og framleiðsla Samstarf Hvalur hf. stefnir íslenska ríkinu Viðskipti innlent Hálf öld af ástríðu og kappsemi – Bílabúð Benna fagnar 50 ára afmæli Samstarf Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Ekki virðast í bráð uppi ráðagerðir hjá stóru viðskiptabönkunum að færa bókhald sitt yfir í evrur líkt og Straumur-Burðarás Fjárfestingabanki hefur upplýst um að hann ætli að gera um áramót. Málið hefur þó verið rætt og er til stöðugrar endurskoðunar bæði í Landsbankanum og Glitni. Kaupþing kýs hins vegar að tjá sig ekki um málið. Bjarni Ármannsson, forstjóri Glitnis banka, gerir ráð fyrir að Straumur-Burðarás meti stöðuna svo að breytingin auðveldi bankanum aðgang að fjárfestum eða þetta styðji við þeirra framtíðaráform. „Hjá Glitni höfum við farið þá leið til að minnka áhættuna af sveiflum í krónunni að gefa út bæði eiginfjárígildi og víkjandi lán í erlendum myntum, aðallega evrum og dollar,“ segir hann og bendir á að meirihluti rekstrarkostnaðar Glitnis sé hér á landi og ekki tímabært að færa uppgjörið í aðra mynt. „En samhliða aukinn alþjóðavæðingu hljóta svona mál alltaf að vera til skoðunar.“ Halldór J. Kristjánsson, bankastjóri Landsbankans, segir gott eitt að segja um ákvörðun Straums-Burðaráss. „Eins og fram kom hjá þeim stefnir félagið fyrst og fremst að þátttöku í erlendum verkefnum og erlendar eignir eru sterkur þáttur í starfsemi þeirra,“ segir hann og bætir við að ávallt verði áleitið eftir því sem tiltekin erlend mynt vegi þyngst í starfsemi fyrirtækis að gera félagið upp í henni. Hann bendir á að samkvæmt alþjóðlegum reikningsskilareglum sé við tiltekin skilyrði ekki bara heimilt heldur rétt að taka upp reikningsskil í þeirri mynt sem telst vera starfsemismynt viðkomandi fyrirtækis. Þar sé fyrst og fremst horft til samsetningar tekna og gjalda. „Þá hygg ég að þetta hafi verið nú verið rætt í stjórnum flestra fyrirtækja,“ segir Halldór, en kveður enga nýja umræðu um málið í Landsbankanum. Þá segist hann ekki geta tjáð sig um það hvort uppgjör í evrum sé vænleg leið fyrir Landsbankann, enda bankinn bundinn tilkynningaskyldu varðandi slíkar ákvarðanir. Sömuleiðis segir Sigurður Einarsson, stjórnarformaður Kaupþings banka, að þar á bæ kjósi menn að tjá sig ekki um vænleika þess að færa uppgjör fyrirtækisins yfir í evrur. „Stærstu fjármálafyrirtæki landsins hafa meirihluta sinna tekna í erlendri mynt og þess vegna mjög eðlilegt að þau skoði þessa möguleika,“ segir Guðjón Rúnarsson, framkvæmdastjóri Samtaka banka og verðbréfafyrirtækja. „Kannski má segja að tímaspursmál hafi verið hver yrði fyrstur til að stíga þetta skref.“ Guðjón segir ákvörðunina hins vegar liggja hjá bönkunum og vandi um að spá hvort fleiri fylgi í kjölfarið. Hann segir mestu skipta að starfsumhverfi fjármálafyrirtækja hér sé með þeim hætti að fyrirtækin kjósi að hafa höfuðstöðvar sínar hér og greiði hér skatta og skyldur, minna máli skipti í hvaða mynt þau geri upp. „Þetta er bara þróun sem er að eiga sér stað.“ Jón Sigurðsson, iðnaðar- og viðskiptaráðherra, segir Straum-Burðarás fara leið sem honum er heimil og allmörg stór og meðalstór fyrirtæki í milliríkjaviðskiptum hafi þegar gert. Hann varar hins vegar við því að of víðtækjar séu dregnar af ákvörðun bankans enda „Hér er um fjárfestingabanka að ræða og áhrif þessarar ákvörðunar ráðast af því hver verði viðbrögð helstu viðskiptaaðila bankans. Ef það eru fyrirtæki sem sjálf gera upp í evru breytir þetta augljóslega litlu eða engu. Ástæðulaust er að gera of mikið úr áhrifum þessa því þetta er fjárfestingabanki sem gegnir sértæku hlutverki á markaði og þar af leiðandi ekki sambærilegur við önnur fyrirtæki sem gegna almennara og víðtækara hlutverki.“
Fréttir Innlent Viðskipti Mest lesið Leist ekki á hagtölur og rak yfirmann stofnunarinnar Viðskipti erlent Ferðum Play til London, Parísar og Berlínar „sjálfhætt“ Viðskipti innlent Tímabundin dreifing á sjónvarpsefni Sýnar hjá Símanum Viðskipti innlent Hækkun tolla eins og þruma úr heiðskíru lofti Viðskipti innlent Forstjóraskipti hjá Ice-Group Viðskipti innlent Kísiltollar gætu vel endað fyrir gerðardómi Viðskipti innlent Á ég að greiða inn á lánið eða spara? Viðskipti innlent Plastkubbahús sem eru íslensk hönnun og framleiðsla Samstarf Hvalur hf. stefnir íslenska ríkinu Viðskipti innlent Hálf öld af ástríðu og kappsemi – Bílabúð Benna fagnar 50 ára afmæli Samstarf Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira