Michael Finley valdi Spurs

Eftirsóttasti leikmaður NBA deildarinnar með lausa samninga, Michael Finley, gaf það út í gærkvöldi að hann myndi ganga til liðs við NBA meistara San Antonio Spurs á næstu dögum, en mörg lið voru búin að gera hosur sínar grænar fyrir honum síðustu daga. "Ég vel San Antonio af því mig langar að vinna meistaratitilinn og það sem San Antonio eru núverandi meistarar, er ég eins nálægt því og ég hef verið á ferlinum. San Antonio er gríðarlega sterkt lið, en ég veit að ég get styrkt það enn frekar," sagði Finley, sem hefði geta orðið sér út um hærri samning hjá t.a.m. Miami eða Phoenix Suns. Finley skoraði um 15 stig að meðaltali í leik fyrir Dallas Mavericks síðasta vetur.