Snæfell komið í 2-0

Snæfell sigraði Fjölni með 83 stigum gegn 69 í undanúrslitum íslandsmótsins í körfuknattleik karla í kvöld, en leikið var í íþróttamiðstöðinni í Grafavogi. Stigahæstir hjá Snæfelli voru Michael Ames með 25 stig og Sigurður Þorvaldsson gerði 20. Hjá heimamönnum var Jeb Ivey atkvæðamestur með 31 stig og Nemanja Sovic gerði 17, þar af 13 í fyrri hálfleik. Snæfell leiðir því 2-0 í einvíginu og geta tryggt sér sæti í úrslitum á laugardaginn er liðin mætast í þriðja leiknum í Stykkishólmi.