Detroit hylli Grant Hill

Í kvöld mun Detroit Pistons taka á móti Orlando Magic í The Palace í Auburn Hills í NBA-körfuboltanum. Viðureignin verður merkileg fyrir það leyti að Grant Hill hjá Orlando Magic, sem lék 6 tímabil með Pistons, olli töluverðu fjaðraþoki á sínum tíma þegar hann fór þess á leit við forráðamenn Pistons að verða skipt frá liðinu. Þá hafði hann leikið með fjórum mismunandi þjálfurum, ótal leikmönnum og var orðinn langþreyttur á ástandinu og árangursþyrstur í meira lagi. Joe Dumars, fyrrum leikmaður Pistons og núverandi framkvæmdastjóri liðsins, var undrandi yfir viðbrögðum fólks, þegar Grant Hill sagði skilið við liðið, og segist hafa skilið sjónarmið hans til fulls. "Mér finnst sérstaklega skrítið að fólk hafi gefið í skyn að vinátta okkar hafi farið forgörðum þegar hann fór til Orlando," sagði Dumars. "Þetta er náungi sem ég hef alltaf stutt í einu og öllu og við erum enn miklir vinir. Ég skildi alltaf að ákvörðun hans var fyrst og fremst körfuboltalegs eðlis en ekki persónulegs," fullyrti Dumars. Dumars sagði einnig að menn ættu rétt á að bæta sig þrátt fyrir mistök. "Segjum sem svo að kærastan þín hætti með þér einn daginn. Þá yrðirðu náttúrulega reiður. Hins vegar ef þú hittir konu drauma þinna stuttu seinna og fyrrum kærastan þín veikist og er nálægt dauðanum - nær sér svo á strik og gerir allt hvað hún getur til að bæta sig, myndirðu þá enn vera reiður?" spurði Dumars. "Ég myndi allavega vilja hugsa sem svo að flestir okkar myndu bregðast við með gleði í hjarta fyrir hönd viðkomandi." "Fólk verður að gera sér grein fyrir því að Pistons var ekki líklegt til afreka á þessum tímapunkti og því borðleggjandi fyrir Hill að leita á ný mið sem hann og gerði," bætti Dumars við. Pistons-aðdáendur voru skiljanlega reiðir þegar Hill fór. Hann gaf oft í skyn að hann myndi koma aftur og margir í stjórn liðsins höfðu fulla trú á því. Kannski var Hill að reyna að lifa í takt við ímynd sína með því að reyna að gera öllum til geðs. Stundum sagði hann fólki það sem hann hélt að það vildi heyra. Ef það er það versta sem hægt er að finna leikmanni til foráttu, þá er ekki svo galinn einstaklingur hér á ferð, sérstaklega ekki ef um er að ræða NBA-leikmann. Þegar Grant Hill kom inn í deildina þá átti hann ekki aðeins að vera góði strákurinn. Hann átti að vera Herra Fullkominn. Hann fékk umsagnir á borð við: "Getur Grant Hill bjargað íþróttaheiminum?" og þar fram eftir götunum. En ef menn telja að Hill hafi búi sér til falska ímynd, þá eru tvo orð í boði fyrir þá sömu: Kobe Bryant. Byggt á efni frá Free Detroit Press