Bryant biður O´Neal afsökunar

Kobe Bryant biður miðherjann Shaquille O´Neal afsökunar á ummælum sínum um árið en tvímenningarnir léku saman í áraraðir með Los Angeles Lakers í NBA-körfuboltanum. "Ég biðst afsökunar á þeim erfiðleikum sem ég kann að hafa valdið honum og fjölskyldu hans," sagði Bryant. O´Neal kemur til Los Angeles á jóladag þegar lið hans, Miami Heat, mætir Lakers. Bryant sagði upplagt að ræða málin þá. "Ég ætlaði aldrei að koma með þessa persónulegu hluti fram í dagsljósið."