Ástin á götunni

Leikjum lokið á Englandi

Leikjunum sex í ensku úrvalsdeildinni er lokið, en þar ber hæst að Manchester United tapaði á heimavelli fyrir Blackburn og Chelsea hélt sigurgöngu sinn áfram með sigri á Aston Villa á heimavelli sínum.

Sport 23.10.2005 14:59

Bikarúrslitin á Boltavaktinni

Bikarúrslitaleikur Fram og Vals á Laugardalsvelli hefst nú klukkan 14 og þeir sem ekki komast á völlinn geta fylgst vel með gangi mála á Boltavaktinni hér á íþróttasíðu Vísis.is.

Sport 23.10.2005 14:59

Þriðja umferð deildarbikarsins

Nú hefur verið dregið í þriðju umferð deildarbikarsins á Englandi. Grimsby fær tækifæri til að slá út annað úrvalsdeildarlið, því þeir fá Newcastle í heimsókn í næstu umferð. Félagar Grimsby í fjórðu deildinni, Barnet, fara á Old Trafford og mæta þar Manchester United. Þá verða fimm viðureignir milli úrvalsdeildarfélaga.

Sport 23.10.2005 14:59

Hálfleikur á Englandi

Nú er hálfleikur í leikjunum sex sem standa yfir í ensku knattspyrnunni, en hægt er að fylgjast með gangi mála í leikjunum á Boltavaktinni hér á Vísi. Það vekur athygli að Manchester United er undir á heimavelli sínum gegn Blackburn og Chelsea hefur fengið á sig fyrsta markið á tímabilinu á heimavelli gegn Aston Villa.

Sport 23.10.2005 14:59

Þetta var skot hjá mér

„Þetta var skot! Ég sá að Gunnar stóð of framarlega þannig að ég tók þá ákvörðun að skjóta," sagði Húsvíkingurinn Baldur Aðalsteinsson strax eftir leik en hann skoraði eina mark bikarúrslitaleiksins í ár.

Sport 23.10.2005 14:59

Loksins titill hjá Val eftir 13 ár

Baldur Aðalsteinsson tryggði Val níunda bikarmeistaratitil félagsins þegar hann skoraði sigurmarkið gegn Fram með skoti langt utan af kanti. Framarar voru síst lakari aðilinn í leiknum en það voru nýliðar Valsmanna sem kórónuðu frábært tímabil með því að vinna bikarinn.

Sport 23.10.2005 14:59

Hermann hrósar félögum sínum

Hermann Hreiðarsson telur að leikmennirnir sem keyptir voru til félagsins í sumar og hreint og klárt hungur, séu ástæður þess að Charlton hefur byrjað svo vel í ensku úrvalsdeildinni í haust, en liðið hefur þegar unnið þrjá útileiki.

Sport 23.10.2005 14:59

Valur bikarmeistari

Valur er bikarmeistari árið 2005 eftir sigur á Fram 1-0 í úrslitaleik sem lauk nú rétt í þessu. Það var Baldur Aðalsteinsson sem skoraði eina mark leiksins á 52. mínútu og eru Valsmenn vel að sigrinum komnir eftir frábært sumar, þar sem þeir höfnuðu í öðru sæti Landsbankadeildarinnar sem nýliðar í deildinni.

Sport 23.10.2005 14:59

Bolton sigraði Portsmouth

Bolton Wanderers lyfti sér í þriðja sæti ensku úrvalsdeildarinnar í knattspyrnu áðan, þegar liðið bar sigurorð af slöku liði Portsmouth, sem á í stökustu vandræðum í deildinni. Það var Kevin Nolan sem skoraði sigurmark Bolton á 25. mínútu leiksins og þar við sat.

Sport 23.10.2005 14:59

Ísland tapaði fyrir Tékkum

Íslenska kvennalandsliðið í knattspyrnu tapaði 1-0 fyrir Tékkum í undankeppni HM nú áðan. Þetta var fyrsta tap íslenska liðsins í riðlinum og mark tékkneska liðsins kom eftir átta mínútur.

Sport 23.10.2005 14:59

Loksins tapaði Bayern

Þýsku meistararnir í Bayern Munchen töpuðu loks sínum fyrsta leik í Bundesligunni í dag þegar liðið sótti sprækt lið Hamburger heim og tapaði 2-0. Sigur HSV var síst of stór og aðeins góður leikur Oliver Kahn í marki heimamanna bjargaði meisturunum frá stærra tapi.

Sport 23.10.2005 14:59

Íslensku stelpurnar marki undir

Íslenska kvennalandsliðið í knattspyrnu er undir 1-0 í hálfleik gegn Tékkum ytra, en mark þeirra kom eftir átta mínútna leik. Leikurinn er í undankeppni HM, en íslenska liðið var í efsta sæti riðils síns fyrir leikinn.

Sport 23.10.2005 14:59

Jafnt hjá Birmingham og Liverpool

Birmingham og Liverpool gerðu jafntefli 2-2 á St Andrews vellinum nú áðan í æsilegum leik í ensku úrvalsdeildinni. Fyrri hálfleikurinn var ansi bragðdaufur og stefndi í enn einn markalausan leik hjá liðinu úr Bítlaborginni.

Sport 23.10.2005 14:59

Það var kominn tími á þetta

„Þetta er alveg meiriháttar. Það var svo sannarlega kominn tími til að lyfta alvöru bikar. Ég er kominn með góða æfingu eftir að hafa unnið 1. deildina, Reykjavíkurmótið, Canella Cup, Íslandsmótið innan hús og ég veit ekki hvað," sagði Sigurbjörn Hreiðarsson, fyrirliði Valsmanna.

Sport 23.10.2005 14:59

Hálfleikur á Laugardalsvelli

Nú er hálfleikur í bikarúrslitaviðureign Vals og Fram á Laugardalsvelli og skemmst frá því að segja að leikurinn er hundleiðinlegur. Hvorugt lið hefur þorað að taka áhættu í leiknum eða sækja af neinu viti og því hafa áhorfendur ekki fengið mikið fyrir sinn snúð.

Sport 23.10.2005 14:59

Bjarni í byrjunarliðinu

Bjarni Guðjónsson og samherjar hans í Plymouth fengu nýjan knattspyrnustjóra í gær þegar Tony Pulis tók við stjórnartaumunum. Pulis var rekinn frá Íslendingaliðinu Stoke City í sumar þrátt fyrir að ná ágætum árangri þau þrjú ár sem hann stýrði liðinu en íslensku fjárfestarnir voru ekki sáttur við hvernig Pulis meðhöndlaði íslensku leikmennina hjá Stoke, eins og t.d. Þórð Guðjónsson.

Sport 23.10.2005 14:58

Stórsigur Íslands á Andorra

Íslenska U-17 ára landsliðið í knattspyrnu vann stórsigur á Andorra í undankeppni EM í Andorra í kvöld. Staðan í hálfleik var 1-0 fyrir Ísland, en í síðari hálfleik fóru íslensku strákarnir á kostum og skoruðu fimm mörk gegn varnarsinnuðu liði heimamanna.

Sport 23.10.2005 14:58

Neville frá í sex vikur

Nú er ljóst að varnarmaðurinn Gary Neville hjá Manchester United verður frá keppni í sex vikur eftir að hann fór í uppskurð vegna meiðsla í nára. Búist var við að Neville yrði klár í slaginn um helgina, en honum sló niður á æfingu og var því drifinn í uppskurð.

Sport 23.10.2005 14:58

Heiðar þarf enn að vera þolinmóður

Landsliðsmaðurinn Heiðar Helguson hjá Fulham í ensku úrvalsdeildinni, þarf að vera þolinmóður enn um sinn, því hann verður áfram á varamannabekk liðsins á mánudagskvöld þegar liðið mætir Tottenham Hotspurs.

Sport 23.10.2005 14:58

Woodgate þakkaði stuðningsmönnum

Hrakfallabálkurinn Jonathan Woodgate þakkaði stuðningsmönnum Real Madrid fyrir að standa við bakið á sér eftir ófarir sínar í leik Real og Bilbao í gær, en þessi fyrsti leikur hans með aðalliði í nær eitt og hálft ár, snerist upp í algjöra martröð eins og áhorfendur Sýnar fengu að verða vitni að í skrautlegum leik í gærkvöld.

Sport 23.10.2005 14:58

Vieira aðvarar Arsenal

Miðjumaðurinn Patrick Vieira hjá Juventus hefur gefið út aðvörunarorð til fyrrum félaga sinna í Arsenal og segir að félagið verði að bretta upp ermarnar í leikmannamálum ef það ætli sér að halda framherjanum snjalla Thierry Henry lengur í sínum röðum.

Sport 23.10.2005 14:58

Bikarúrslitin í dag

Það má búast við miklum baráttuleik í dag þegar Fram og Valur mætast í úrslitaleik VISA-bikarkeppninnar. Ólafur Kristjánsson, þjálfari Fram, hefur þurft að beita öllum ráðum til þess að fá sína leikmenn til þess að einbeita sér að leiknum eftir að hafa fallið í 1.deild um síðustu helgi.

Sport 23.10.2005 14:58

Routledge fjarri bata

Miðjumaðurinn Wayne Routledge hjá Tottenham á enn langt í land með að ná sér af meiðslum sínum og Martin Jol knattspyrnustjóri liðsins óttast að hann verði frá í að minnsta kosti tvo mánuði í viðbót.

Sport 23.10.2005 14:58

Ísland-Tékkland í dag

Íslenska kvennalandsliðið í knattspyrnu mætir í dag Tékklandi í undankeppni heimsmeistaramótsins sem fer fram í Kína árið 2007. Ísland er í efsta sæti síns riðils eins og staðan er nú og á ágæta möguleika á því að komast í lokakeppnina ef vel gengur í leikjunum sem eftir eru.

Sport 23.10.2005 14:59

Chelsea hefur heppnina með sér

Arsene Wenger segir heilladísirnar hafa verið á bandi Chelsea það sem af er leiktíðinni og spáir að þegar liðið loks tapar í úrvalsdeildinni, gæti það haft í för með sér taphrinu, ekki ósvipaða þeirri sem Arsenal lenti í þegar sigurganga þeirra var stöðvuð í deildinni í fyrra.

Sport 23.10.2005 14:58

Óvissa með framtíð Henry

Arsene Wenger hefur viðurkennt að framtíð franska framherjans Thierry Henry hjá Arsenal sé óljós og bendir á að hann sé alls ekki viss um að félagið geti haldið leikmanninum í sínum röðum.

Sport 23.10.2005 14:58

Verðum að vinna næstu tvo leiki

Paul Scholes hjá Manchester United gaf út þá yfirlýsingu í dag að ef Manchester United vinnur ekki sigur á Blackburn og Fulham í næstu tveimur deildarleikjum sínum, geti liðið einfaldlega gleymt því að stríða Chelsea eitthvað í titilslagnum í vetur.

Sport 17.10.2005 23:48

Gravesen til United?

Tomas Gravesen, leikmaður Real Madrid er orðaður við óvænta endurkomu í enska boltann í janúar. Talið er Manchester United hafi augastað á Dananum knáa sem á ekki sjö dagana sæla í herbúðum Real Madrid þessa dagana. Spænsku risarnir hafa tapað þremur leikjum í röð og Gravesen dottinn út úr liðinu.

Sport 17.10.2005 23:48

Djurgarden í úrslit

Djurgarden, lið Kára Árnasonar í sænska boltanum, komst í kvöld í úrslit bikarkeppninnar þegar liðið lagði Elfsborg 2-1. Kári lék vel í kvöld og lagði meðal annars upp síðara mark liðsins. Djurgarden mætir fyrstu deildar liðinu Atvidaberg í úrslitaleik keppninnar í lok október.

Sport 23.10.2005 14:58

Giggs ætlar að komast í liðið

Ryan Giggs hefur þvertekið fyrir að hann sé í fýlu yfir því að komast ekki í byrjunarlið Manchester United og segir að sinn tími muni koma fljótlega. Giggs hefur átt ótrúlegri velgengni að fagna á ferlinum með liðinu og segir það aldrei hafa komið til greina að yfirgefa félagið.

Sport 23.10.2005 14:58