Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttamynd

Guð­ný Helga tekur við af Haraldi

Stjórn Skaga hefur samið við Harald I. Þórðarson, forstjóra félagsins, um starfslok en hann mun áfram gegna stjórnarstörfum innan samstæðunnar. Guðný Helga Herbertsdóttir, forstjóri VÍS trygginga, verður æðsti stjórnandi samstæðunnar og mun leiða hana frá og með deginum í dag, samhliða því að stýra áfram VÍS tryggingum.

Viðskipti innlent

Fréttir í tímaröð

Fréttamynd

Greiða hundruð milljóna króna sekt

Arion banki hefur fallist á að greiða 280 milljóna króna sekt vegna brota á reglum um verðbréfaviðskipti og fjárfestavernd. Bankinn gerði sátt við Fjármálaeftirlit Seðlabankans eftir að í ljós kom að hann hafði ekki tilkynnt um grunsamleg hlutabréfaviðskipti tveggja viðskiptavina á árunum 2022 og 2023, þrátt fyrir skýrar vísbendingar um mögulega markaðsmisnotkun.

Viðskipti innlent
Fréttamynd

Sjá fram á aukin inn­grip seðla­banka og mikla hættu fyrir evru­sam­starfið

Sjóðstjóri Visku Macro, sem hefur einkum veðjað á fjárfestingar í málmum, hrávörum og innviðum tengdum gervigreind og orkuframleiðslu, telur að vaxandi skuldavandi ríkja muni knýja seðlabanka til aukinna inngripa á skuldabréfamörkuðum og varar við því að evrusamstarfið geti komist í verulega hættu. Erfitt verður að viðhalda háum raunvöxtum í skuldsettum hagkerfum án þess að það setji þrýsting á ríkisfjármálin og fjármálakerifð, að mati sjóðastýringarfélagsins, og því sé líklegt að ákall um aðgerðir fari vaxandi eftir því sem þau áhrif koma skýrar fram.

Innherji
Fréttamynd

Fresturinn liðinn en enn ó­samið við flug­virkja

Fjögurra vikna frestur sem Icelandair og flugvirkjar gáfu sér til að ná nýjum kjarasamningi rann út á miðvikudag án þess að samningar næðust. Ekki hefur verið boðað til nýs fundar í deilunni en búist er við óformlegum samtölum í næstu viku.

Innlent
Fréttamynd

Ella frá Marel til Lands­bankans

Elín Gränz hefur verið ráðin sem mannauðsstjóri Landsbankans. Hún starfar í dag sem mannauðsstjóri rekstrarsviðsins Meat & Prepared Foods hjá JBT Marel, með ábyrgð á mannauðsmálum í Evrópu og Norður-Ameríku en hefur störf hjá Landsbankanum í upphafi næsta árs.

Viðskipti innlent
Fréttamynd

Af­koman yfir væntingum en horfurnar versna með hækkandi elds­neytis­verði

Árangur af umfangsmiklum breytingum á rekstri Icelandair er þegar farinn að skila sér í ávinningi upp á nærri tuttugu milljarða á ársgrundvelli, að sögn stjórnenda flugfélagsins, sem segja undirliggjandi afkomu sterkari en nýjar uppgjörstölur gefa til kynna. Rekstrarhagnaður Icelandair var talsvert yfir væntingum sumra greinenda, en þrátt fyrir verulegan afkomubata á háannatíma flugfélagsins stefnir í mikið tap á síðustu mánuðum ársins vegna hækkandi eldsneytisverðs og sterkrar krónu.

Innherji
Fréttamynd

Boltamömmur í miðjumoði

Boltamömmur eru fagmannlega gerðir gamanþættir um ofstopafulla hegðun foreldra á fótboltaleikjum, bældar miðaldra konur og leyndarmál í úthverfunum. Þættirnir eru skemmtilega vandræðalegir með sterkum frammistöðum og nokkrum grínsprettum. Hvorki dramað né spennan eru tekin alla leið og enda þeir þess vegna í hálfgerðu miðjumoði.

Gagnrýni
Fréttamynd

„Sí­fellt bjart­sýnni“ á niður­stöðu Simponi-deilunnar í Banda­ríkjunum

Horfur Alvotech hafa batnað verulega að mati greinenda SEB, sem telja að áhætta vegna eftirlits lyfjayfirvalda sé að mestu úr sögunni og samkeppnisstaða félagsins sífellt vænlegri. Þeir spá tugprósenta prósenta innri tekjuvexti á næsta ári, langt umfram væntingar markaðarins, og eru bjarsýnir um niðurstöðu einkaleyfadeilna við Janssen í Bandaríkjunum vegna Simponi-hliðstæðunnar.

Innherji
Fréttamynd

Hærri raun­vextir vega þyngra en bættur rekstur Eikar

Hækkandi ávöxtunarkrafa á skuldabréfamarkaði og lakari sjóðsstaða vega þyngra en jákvæð áhrif af auknum leigutekjum og bættri rekstrarafkomu Eikar, að mati greinenda sem hafa lækkað verðmat á félaginu lítillega. Hlutabréfaverð fasteignafélagsins er eftir sem áður talið verulega undirverðlagt á markaði.

Innherjamolar
Fréttamynd

Stór­aukið inn­flæði er­lendra aðila gæti skýrt ó­vænta styrkingu krónunnar

Mikil aukning í gjaldeyrisinnflæði erlendra aðila til landsins er að líkindum helsta skýringin á snarpri styrkingu krónunnar undanfarna mánuði. Innflæðið hefur verið allt að þrefalt meira en fyrr á árinu og gæti meðal annars helst tengst uppbyggingu gagnavera í erlendri eigu eða uppgjöri skattaskuldbindinga vegna kaupa á hugverkaréttindum Kerecis.

Innherji
Fréttamynd

Telja Arion geta losað um 100 milljarða með sömu reglum og nor­rænir bankar

Arion gæti bundið um hundrað milljörðum króna minna í eigið fé ef íslenskir bankar byggju við sambærilegar eiginfjárkröfur og aðferðafræði við áhættumat útlána og tíðkast á Norðurlöndunum, að sögn forstjóra Stoða. Í kynningu fyrir hluthöfum fjárfestingafélagsins sagði hann ljóst að íslensk skattlagning og eiginfjárreglur dragi verulega úr samkeppnishæfni bankanna og þá um leið virði þeirra á hlutabréfamarkaði.

Innherji
Fréttamynd

Frum­varp um sérís­lenskt bónusþak sagt „auka áættu í rekstri“ verðbréfa­félaga

Áform fjármálaráðherra um að viðhalda 25 prósenta hámarki á kaupaukagreiðslur starfsmanna verðbréfafyrirtækja eru til þess fallin að „auka áhættu í rekstri [þeirra] fremur en að draga úr henni,“ að mati framkvæmdastjóra Acro verðbréfa. Hann gagnrýnir að stjórnvöld hafi ákveðið að halda í séríslenskar reglur, langtum strangari en annars staðar á Norðurlöndunum, án þess að nokkur greining liggi fyrir um hvaða áhættu þeim sé ætlað að mæta.

Innherji
Fréttamynd

Smekk­vísi er ekki samnings­bundin

Í Kveik í síðustu viku var dregin upp mynd af íslenskum veitingamönnum sem viljalausum verkfærum vondra drykkjarvöruframleiðenda; mönnum sem eru bundnir á klafa samninga og láta smáa letrið ráða því hvað ratar í glösin.

Skoðun
Fréttamynd

Grein­endur sjá fram á lægri kostnað og meiri fram­leiðslu­getu hjá Al­vot­ech

Greinendur erlendra fjárfestingabanka telja verulegt svigrúm til hækkunar á hlutabréfaverði Alvotech á næstu misserum samhliða minnkandi óvissu um framleiðslumál félagsins og tekjur af líftæknilyfjahliðstæðum sem þegar eru á markaði verði meiri til lengri tíma en áður var áætlað. Nýtt samþykki FDA fyrir framleiðsluferli Alvotech er einnig sagt geta lækkað framleiðslukostnað umtalsvert og aukið afkastagetuna án frekari fjárfestinga.

Innherji
Fréttamynd

Play komið í eignasafn Icelandair

Tæplega helmingshlutur í maltneska félaginu Fly Play Europe Holdco ehf. er nú í eigu Icelandair. Félagið er með maltneskt flugrekstrarleyfi. Markmiðið er að auka sveigjanleika félagsins og skapa möguleika á hagræðingu í flugrekstrinum á Íslandi. 

Viðskipti innlent
Fréttamynd

Lokar Hótel Kulusuk eftir að flug hætti frá Ís­landi

Eigandi eina hótelsins í Kulusuk á Grænlandi hefur skellt í lás og ákveðið að hafa lokað í allan vetur. Ástæðuna segir hann vera þá að enginn stuðningur fáist frá landsstjórninni eftir að Icelandair hætti flugi milli Íslands og Kulusuk yfir vetrarmánuði.

Innlent
Fréttamynd

Telja Al­vot­ech vera að komast yfir erfiðasta hjallann

Hlutabréfagreinendur telja að Alvotech sé við það að komast yfir erfiðasta hjallann eftir stormasamt ár og sjá fyrir sér verulegan tekjuvöxt á næstu árum. Jákvæð tíðindi frá bandaríska lyfjaeftirlitinu og aukin fjármögnun eru talin hafa dregið úr óvissu um reksturinn.

Innherji
Fréttamynd

ÁTVR, Öl­gerðin og breyttir tímar

Ég hef unnið í áfengisbransanum í 50 ár og kynnst honum frá „fine dining“ veitingastöðum, skemmtistöðum sem gátu tekið á móti yfir 1.000 manns á kvöldi, og síðan heildsölu með áfengi frá fyrsta degi sem það var leyfilegt.

Skoðun
Fréttamynd

Kynna vaxtar­plan sem gæti skilað 300 milljarða viðsnúningi í af­komu ríkis­sjóðs

Með markvissum aðgerðum til að efla fimm helstu útflutningsgreinar landsins, sölu ríkiseigna og auknu aðhaldi í opinberum útgjöldum væri hægt að auka hagvöxt um nær helming frá núverandi spám og bæta afkomu ríkissjóðs um hátt í 300 milljarða króna á næstu fimm árum, samkvæmt tillögum sem forstjóri Stoða hefur kynnt hluthöfum. Telur hann að með slíkum aðgerðum mætti jafnframt lækka skuldir ríkissjóðs um helming og draga verulega úr vaxtakostnaði hins opinbera.

Innherji
Fréttamynd

Í­huga að krefja Ölgerðina skýringa

Lífeyrissjóður verzlunarmanna íhugar að kalla eftir skýringum frá stjórnendum Ölgerðarinnar vegna rannsóknar Samkeppniseftirlitsins á fyrirtækinu. Sjóðurinn er einn tíu lífeyrissjóða sem eiga samanlagt tæplega helming í móðurfélagi Ölgerðarinnar. Í hluthafastefnu sjóðsins er lögð áhersla á að fyrirtæki fari að samkeppnislögum.

Viðskipti innlent

Mest lesið