Bjöllunni hringt fyrir jafnrétti
Alþjóðlegum baráttudegi kvenna var fagnað í Kauphöllinni í morgun. Baráttudagurinn lenti á síðasta sunnudegi, þegar kauphöllin var ekki opin og var því haldinn hátíðlegur í dag. Ingibjörg Sólrún Gísladóttir, fyrrverandi utanríkisráðherra og svæðisstjóri UN Women og Vilhelm Þorsteinsson, forstjóri Eimskips voru heiðursgestir og hringdu saman bjöllunni við upphaf viðskipta. Samkvæmt kauphöllinni var bjöllunni hringt fyrir jafnrétti kynjanna í tilefni dagsins.
