Viðskipti innlent

Malbiksmeistari stýrir Malbikstöðinni

Kjartan Kjartansson skrifar
Bergþóra Kristinsdóttir, nýr framkvæmdastjóri Malbikstöðvarinnar í Mosfellsbæ.
Bergþóra Kristinsdóttir, nýr framkvæmdastjóri Malbikstöðvarinnar í Mosfellsbæ. Malbikstöðin

Bergþóra Kristinsdóttir, verkfræðingur, er nýr framkvæmdastjóri Malbikstöðvarinnar í Mosfellsbæ. Hún skrifaði meistararitgerð sína í verkfræði um malbik.

Hún tekur við starfinu af Vilhjálmi Þór Matthíassyni, stofnanda Malbikstöðvarinnar og framkvæmdastjóra til 22 ára. Hann verður áfram stjórnarformaður félagsins, að því er kemur fram í tilkynningu frá fyrirtækinu.

Bergþóra starfaði áður sem framkvæmdastjóri þjónustusviðs Vegagerðarinnar frá 2020 en þar áður á verkfræðistofunni Eflu þar sem hún var meðal annars fagsviðsstjóri umferðar og skipulags.

Um 55 manns starfa hjá Malbikstöðinni sem er með starfsemi á Esjumelum og í Flugumýri í Mosfellsbæ.

Vegagerð Mosfellsbær Vistaskipti


Mest lesið


Fleiri fréttir

Sjá meira


×

Mest lesið