Logi fór á skeljarnar við Como-vatn

Parið greinir frá trúlofuninni með mynd í hringrás (e. story) á Instagram þar sem Logi sést á öðru hnénu með hring í hendi. Þau virðast hafa fagnað trúlofuninni með bátsferð en parið er statt við Como-vatn í Ítalíu um þessar mundir.

Inga Tinna fagnaði fertugsafmæli í gær og birti Logi einlæga færslu þar sem hann segist heppinn að fá að ganga lífsveginn með Ingu Tinnu.

„Ég er endalaust þakklátur fyrir þig, hláturinn, hlýjuna og styrkinn sem þú færir inn í líf okkar á hverjum degi. Þú lætur lífið verða fallegra, einfaldara og skemmtilegra,“ skrifaði Logi við færsluna.

Inga Tinna og Logi fóru að stinga saman nefjum í upphafi ársins 2023. Saman eiga þau eina dóttur sem fæddist árið 2024. Inga Tinna er stofnandi og framkvæmdastjóri Dineout og Logi er fyrrverandi landsliðsmaður í handbolta og einkaþjálfari.