Ráð­herrar krefja Starmer um af­sögn

Sætið undir Keir Starmer, forsætisráðherra Bretlands, hefur hitnað ört síðasta sólarhring frá því að Andy Burnham, vinsæll borgarstjóri Stór-Manchester-svæðisins, var kjörinn þingmaður Makerfield í aukakosningum sem haldnar voru í gær.

Ljóst þykir að leiðtogaslagur sé í uppsiglingu í Verkamannaflokknum og hefur Burnham verið orðaður við formennsku.

BBC greindi frá því í dag að samgönguráðherrann Heidi Alexander hafi átt samtal við Starmer á bak við luktar dyr í dag þar sem hún hafi beðið hann um að leggja fram tímaáætlun um að láta af embætti. Það væri til þess að tryggja skilvirk stjórnarskipti við næsta leiðtoga.

Samkvæmt breska dagblaðinu Times hafði fjöldi ráðherra í hyggju í dag að segja við Starmer að hann ætti af sér sem formaður Verkamannaflokksins og forsætisráðherra. Blaðið skrifar að hann muni íhuga málið um helgina.

Tveir aðrir ráðherrar, Ed Miliband og Shabana Mahmood, hafa áður krafið hann um slíka tímaáætluun. Guardian hefur eftir ónafngreindum heimildarmanni í ríkisstjórn Starmers: „Allir telja að þetta sé búið og allir vilja að þetta brotthvarf verði snyrtilegt og gert af reisn.“

Hrikt hefur í stoðum ríkisstjórnar Starmers undanfarið en hún hefur verið gríðarlega óvinsæl um langa hríð og forsætisráðherrann sjálfur átt í vök að verjast vegna fjölda mála, þar á meðal fyrir að skipa sendiherra í Bandaríkjunum sem hafði náin tengsl við kynferðisbrotamanninn Jeffrey Epstein.

Varnarmálaráðherrann sagði meðal af sér í byrjun mánaðar vegna ósættis er varðar fjármögnun varna- og öryggismála.

Þungt tap Verkamannaflokksins í sveitarstjórnarkosningum í síðasta mánuði varð til þess að fjöldi þingmanna flokksins krafðist þess að Starmer segði af sér en hann sat sem fastast.

Burnham, sem sagði af sér þingmennsku 2017, er kominn aftur á breska þingið og hann þykir vera efstur á blaði hvað varðar hugsanlegan eftirmann Starmers, bæði sem leiðtogi Verkamannaflokksins og sem

Skoðanakönnun Yougov frá því í maí benti til þess að 59 prósent félaga í Verkamannaflokknum styddu Burnham í mögulegu leiðtogakjöri en 37 prósent Starmer.

Starmer óskaði Burnham til hamingju með sigurinn í færslu á samfélagsmiðli og fagnaði því að kjósendur hefðu valið von og bjartsýni Verkamannaflokksins fram yfir sundrung og hatur. Burnham vann öruggan sigur á Rob Kenyon, frambjóðanda Umbótaflokksins, þjóðernisíhaldsflokks sem fer með himinskautum í skoðanakönnunum á landsvísu.