Ben Stiller vinnur að heimildarþáttaröð um Knicks

Stiller hefur elt New York Knicks í áratugi og sást til hans með símann á lofti í gegnum alla úrslitakeppnina núna í ár. Nú hefur verið staðfest að myndefni úr síma Stiller verður notað í nýja þáttaröð þar sem fyrsta titli New York í 53 ár verða gerð góð skil. Ben Stiller hefur einstakan aðgang að liðinu enda einn helsti stuðningsmaður liðsins.

Stiller hefur meðal annars tekið upp efni frá leikjum, inni í búningsklefum og bak við tjöldin.

Samkvæmt Stiller nýtur verkefnið fulls stuðnings frá NBA-deildinni, heimavelli Knicks, Madison Square Garden, og eigendum félagsins. Tökur munu halda áfram á næsta tímabili og því er ólíklegt að þættirnir komi út fyrr en á næsta ári.