Enginn mögu­leiki á meiri­hluta til vinstri sam­kvæmt nýrri könnun

RÚV greinir frá niðurstöðunum. Þar fær Sjálfstæðisflokkurinn átta fulltrúa í borgarstjórn og bætir við sig tveimur frá síðustu kosningum. Samfylkingin heldur sínum fimm fulltrúum en Vinstrið og Miðflokkurinn fá þrjá fulltrúa hvor. Viðreisn eykur fylgi sitt og fengi tvo borgarfulltrúa í stað eins.

Píratar missa alla sína þrjá fulltrúa og Sósíalistar mælast með einn en eru í dag með tvo, samkvæmt könnuninni. Framsóknarflokkurinn fer úr fjórum fulltrúum í einn. Flokkur fólksins mælist ekki inni en er með einn borgarfulltrúa í dag. Framboðið Góðan daginn og Okkar borg ná ekki manni í borgarstjórn. 

Um er að ræða síðustu könnun Gallup fyrir kosningarnar en samkvæmt henni gætu Sjálfstæðisflokkurinn, Miðflokkurinn og Framsóknarflokkurinn myndað meirihluta eftir kosningar líkt og áður segir. Einnig gæti Sjálfstæðisflokkur myndað meirihluta með Miðflokki og Viðreisn þar sem flokkarnir mælast með 13 af 23 sætum í borgarstjórn.

Sjálfstæðisflokkurinn og Samfylkingin gætu einnig unnið saman með sína þrettán borgarfulltrúa. Ekki er möguleiki á meirihluta til vinstri miðað við niðurstöður könnunarinnar.

Fréttin er í vinnslu.