Loka verslun Next í Kringlunni

Í tilkynningu á Facebook kemur fram að 50 prósenta afsláttur sé af öllum vörum og að ekki verði hægt að skila þeim. Verslunin er við hlið H&M í Kringlunni. 

Verslunin hefur verið rekin á Íslandi um árabil en lokaði þó tímabundið í kringum 2008. Þá keyptu Sverrir Berg Steinarsson og Ragnhildur Anna Jónsdóttir helmingshlut í versluninni af Arev N1. Ragnhildur hafði þá verið verslunarstjóri í versluninni um árabil samkvæmt frétt mbl.is. Þau áttu einnig verslunina Noa Noa en henni hefur verið lokað.

Ekki hefur tekist að ná á neinn í verslun vegna lokunarinnar en búið er að loka símanúmeri sem gefið er upp.