Fjölga verslunum í Danaveldinu

Verslunin er staðsett í Fredriksberg í höfuðborg Danmerkur en fyrir er 66°Norður með verslanir í miðborg Kaupmannahafnar og á Kastrup-flugvelli. Er þetta í fyrsta skipti sem 66°Norður opnar archive-verslun á erlendri grundu en álíka verslun má finna í miðborg Reykjavíkur. 

,,Í 100 ár hafa Íslendingar látið reyna á gæði og endingu varanna okkar. Við höfum lengi endurnýtt afgangsefni og boðið upp á viðgerðarþjónustu frá upphafi, og með opnun 66°North Archive í Kaupmannahöfn er þessi skuldbinding enn frekar styrkt með því að gefa núverandi vörum nýtt líf," er haft eftir Helga Rúnari Óskarssyni, forstjóri 66°Norður, í fréttatilkynningu.

,,Við opnuðum okkar fyrstu verslun í Kaupmannahöfn fyrir 12 árum síðan og það er sannarlega skemmtilegur tímapunktur að opna nýja verslun í borginni nú á 100 ára afmælisári 66°Norður.“