Leita enn að meintum geranda í stungumáli

Þetta segir Logi Sigurjónsson, varðstjóri hjá lögreglunni á höfuðborgarsvæðinu.

„Þetta gerðist fyrir utan skemmtistað á tólfta tímanum í gærkvöldi og það er verið að leita að gerandanum í málinu,“ segir hann í samtali við fréttastofu.

„Það er verið að skoða myndbandsupptökur úr miðborginni og vinna eftir vísbendingum frá vitnum.“

Fórnarlambið, sem er á þrítugsaldri, var ekki talið lífshættulega slasað þegar það var flutt á sjúkrahús í gær. Ekki liggja fyrir upplýsingar um líðan þess í dag.

Sérsveitin, sem var kölluð út í kjölfar atviksins í nótt, aðstoðar við vinnslu málsins og leitina.