Tango Travel hættir vegna gjald­þrots Play

Þetta kemur fram í tilkynningu á heimasíðu ferðaskrifstofunnar. Þar segir að ákvörðunin hafi verið tekin með hagsmuni viðskiptavina í huga. Tango Travel hafi greitt í Ferðatryggingasjóð og því geti viðskiptavinir sótt endurgreiðslu úr sjóðnum.

Flugfélagið Play lýsti yfir gjaldþroti í lok september. Fjögur hundruð misstu vinnuna og þurftu þúsundir farþega sem þurfti að endurskipuleggja heimför. 

Samkvæmt RÚV var hópur á vegum ferðaskrifstofunnar á ferðalagi þegar gjaldþrotinu var lýst yfir.

„Það er ekkert launungarmál að það er svolítill skellur að missa þetta flugfélag,“ sagði Ingibjörg Elsa Eysteinsdóttir, framkvæmdastjóri Tango Travel.