Er með gervigreindarþjálfara

Alda Karen býr í New York í Bandaríkjunum með eiginkonu sinni, Katherine Lopez, þar sem hún rekur eigið fyrirtæki. Hún kom fyrst fram á sjónarsviðið árið 2018 sem fyrirlesari og vakti fljótt mikla athygli fyrir vegna yfirlýsinga sinna, sérstaklega um sjálfsást og það að kyssa peninga.

Alda Karen sýnir lesendum Vísis hina hliðina.

Fullt nafn? Alda Karen Hjaltalín Lopez

Aldur? 31 árs.

Við hvað starfar þú? Ég rek orkudrykkja fyrirtækið Collagenx ásamt því að flytja fyrirlestra, halda viðburði og skrifa bækur í New York.

Fjölskylduhagir? Ég er gift Katherine Hjaltalín Lopez og eigum við saman fimm ketti, um 23 dádýr, þrjú bjarndýr, tvo refi, óteljandi íkorna og einn bifur sem búa í bakgarðinum okkar þegar þeim hentar.

Fjölskylduhagir okkar eru eiginlega bara félagsmiðstöð fyrir öll dýrin í skóginum, ég veit ekki hvaða orku við gefum frá okkur fyrir dýrin en það virðast allir vegir leiða beint að dyrunum heima hjá mér.

Lífið og tilveran

Lýstu sjálfri þér í þremur orðum? Ég er nóg.

Hver er þín mesta gæfa í lífinu?

Lífið er ekkert nema gæfa.

Hvar sérðu þig eftir tíu ár? Gera svipaða hluti og ég geri í dag.

Er eitthvað sérstakt sem þig langar til að upplifa áður en þú deyrð? Það væri kúl að fylla Madison Square Garden, en ég held að það vær ennþá betra að læra að rækta gott grænmeti.

Besta heilræði sem þú hefur fengið? Ég er nóg.

Hvað hefur mótað þig mest í lífinu? 

Öll reynsla mótar þig á einhvern hátt. Að hafa ferðast í kringum heiminn mótaði mig einna mest. Ég eyddi mörgum árum af lífi mínu að tala um: þú ert nóg, og núna lifi ég eftir því.

Hvað gerir þú til að endurhlaða batteríin? Spila tölvuleiki, fer í göngur, sest á róðravélina eða vinn í garðinum.

Lífið í litlu hlutunum

Hver er uppskriftin að draumasunnudegi? Stuttur fjallatúr með Katherine og brunch á butcher's daughter í Williamsburg með stelpunum og svo beint í Collagenx tasting partý á Soho House og fylgt eftir með grilluðum laxi í matarboði heima á nýja pallinum.

Hver er þinn uppáhalds staður á heimilinu? Pallurinn úti er uppáhalds, við byggðum hann bara til þess að geta haldið stór matarboð og er hann mikið nýttur! Sem betur fer er hann yfirbyggður svo hægt að nýta hann allan ársins hring!

Hvað er fallegasti staður á Íslandi? Akureyri, easy.

En úti í heimi? Kyoto í Japan er í miklu uppáhaldi ásamt Florence á Ítalíu og Petra í Jórdaníu.

Venjur og vellíðan

Hvað er það fyrsta sem þú gerir þegar þú vaknar á morgnana? Ég reyni að komast fram úr án þess að vekja kettina.

Hvað er það síðasta sem þú gerir áður en þú ferð að sofa? Ég reyni að komast upp í rúm án þess að færa kettina.

Hugar þú vel að heilsunni? og ef svo er, hvernig? Já, ég er með A.I. þjálfara og æfi í ræktinni heima alla morgna, svo bara svona basic, ég skrifa dagbók alla daga, og les mikið, er að lesa allar Ryan Holiday bækurnar núna, þarf fyrst að lesa óskáldað efni áður en ég leyfi mér svo að kíkja á skáldaðar bækur, þær eru meira svona spennandi verðlaun eftir þurra lesturinn. 

Svo er enginn sími eftir kl 22 á kvöldin svo ég er með analog vekjaraklukku, bara svona litlir hlutir hér og þar sem ég finn að gefa mér meiri orku yfir daginn.

Hvað ætlaðir þú að verða þegar þú yrðir stór? Geimkúreki.

Manstu hvenær þú grést síðast – og af hverju? Ég hágrét yfir Love on the Spectrum. Þessir þættir fara alveg með mig.

Ertu morgun- eða kvöldmanneskja? Kvöld- alla daginn, og í allt kvöld.

Hver er þinn helsti kostur? Ég tek engu alvarlega.

En ókostur? Ég tek engu alvarlega.

Uppáhalds maturinn þinn? Grillaður lax.

Hvað veitir þér innblástur? 

Konan mín, heimildarmyndir, heimildarbækur og gott útsýni.

Smá skemmtilegt í lokin

Hvaða tungumál talarðu? Ensku í vinnunni, spænsku heima og íslensku með fjölskyldunni.

Áttu einhvern leyndan hæfileika? 

Ég er mjög góð í ökuhermum, reyndar ekki leyndur hæfileiki lengur.

Ef þú hefðir einn ofurkraft, hver væri hann? Lækna dýr.

Draumabíllinn þinn? Audi R8 eða Toyota Century V12.

Hælar eða strigaskór? Strigaskór.

Manstu eftir fyrsta kossinum þínum? Nei því miður.

Er eitthvað sem þú óttast? Ég hræðist bara að missa fólkið sem ég elska.

Hvað ertu að hámhorfa á núna? Ég er ekki mikill hámhorfari eins og er, var það í denn,  núna er allt aðeins of langt og ég hef ekki tíma í 45-50 mínútna þátt. Ég tek einn og einn Bob's Burgers eða F1 æfingar á F1TV.

Hvaða lag kemur þér alltaf í gírinn? I have a dream með ABBA er mikið sungið á mínu heimili - allt með ABBA kemur mér í gírinn.