Innlent

Dúxinn greip í saxófóninn

Kolbeinn Tumi Daðason skrifar
Kristinn Rúnar tekur við verðlaunum sínum.
Kristinn Rúnar tekur við verðlaunum sínum.

Alls útskrifuðust 175 nemendur frá FB við hátíðlega athöfn í Silfurbergi Hörpu um helgina. Kristinn Rúnar Þórarinsson, dúx skólans af stúdentsbraut, lauk einnig námi af húsamiðabraut auk þess að spila á saxófón við útskriftina.

Af nemendunum 175 útskrifuðust 27 með tvö skírteini. 44 nemendur luku prófi af húsasmiðabraut, 34 af rafvirkjabraut, 9 af starfsbraut, 28 sjúkraliðar útskrifuðust og 10 snyrtifræðingar. Nemendur sem luku stúdentsprófi voru 77.

Athöfnin var mjög vel sótt.

Guðrún Hrefna Guðmundsdóttir skólameistari stýrði athöfninni og Víðir Stefánsson aðstoðarskólameistari flutti yfirlitsávarp. Þeir Jeremias Borjas Tablante og Sveinn Máni Sigurðsson fluttu ræður útskrifaðra, fyrrnefndur Kristinn Rúnar Þórarinsson nýstúdent lék á tenórsaxófón og Klara Blöndal nemandi við FB söng við undirleik Pálma Sigurhjartarsonar. Auk hans lék Elvar Bragi Kristjónsson á trompet við athöfnina.

Átta stúlkur útiskrifuðust sem rafvirkjar frá FB. Hér eru þær ásamt fagstjóranum Sigursteini Óskarssyni.

Þeim Heimi Jóni Guðjónssyni, Helga S. Reimarssyni og Júlíusi Júlíussyni kennurum á rafvirkjabraut var þakkað fyrir vel unnin störf en þeir láta nú af störfum sökum aldurs. Fjölmargir nemendur hlutu verðlaun og viðurkenningar fyrir góðan námsárangur sem má lesa um hér að neðan en Kristinn Rúnar Þórarinsson var dúx skólans með einkunnina 9,61 og Rawaa M S Albayyouk var semídúx.

Kristinn Rúnar ásamt stoltum fjölskyldumeðlimum.

Verðlaun í einstökum greinum voru sem hér segir:

  • Danska: Helen Giang Le Ngo, fata- og textílbraut
  • Fata- og textílgreinar: Helen Giang Le Ngo, fata- og textílbraut
  • Spænska: Helen Giang Le Ngo, fata- og textílbraut
  • Eðlisfræði: Kristinn Rúnar Þórarinsson, húsasmiðabraut og stúdentsbraut að loknu starfsnámi
  • Íslenskuverðlaun Kristínar Arnalds: Kristinn Rúnar Þórarinsson, húsasmiðabraut og stúdentsbraut að loknu starfsnámi
  • Stærðfræði: Kristinn Rúnar Þórarinsson, húsasmiðabraut og stúdentsbraut að loknu starfsnámi
  • Raungreinaverðlaun HR: Kristinn Rúnar Þórarinsson, húsasmiðabraut og stúdentsbraut að loknu starfsnámi
  • Enska: Jóhann Ísak Ingimundarson, myndlistarbraut
  • Myndlistargreinar: Jóhann Ísak Ingimundarson, myndlistarbraut
  • Menntaverðlaun HÍ: Jóhann Ísak Ingimundarson, myndlistarbraut
  • Íslenska sem annað mál: Rawaa M S Albayyouk, opin braut
  • Stærðfræði: Rawaa M S, opin braut
  • Lokaritgerð til stúdentsprófs: Markús Birgisson, opin braut
  • Lokaritgerð til stúdentsprófs: Thelma Karen Björnsdóttir, opin braut
  • Sálfræði: Þórdís Lilja Magnúsdóttir, opin braut
  • Tölvugreinar: Jeremias Borjas Tablante, tölvubraut
Verðlaunahafar við útskriftina.

Viðurkenning fyrir mestu framfarir

  • Starfsbraut: Eygló Hulda Guðjónsdóttir
  • Húsasmiðabraut: Kristinn Rúnar Þórarinsson
  • Rafvirkjabraut: Anika Ýr Jóhannsdóttir
  • Snyrtibraut: Elva Marín Ævarsdóttir
  • Sjúkraliðabraut: Júlía Káradóttir
  • Stúdentspróf – verðlaun fyrir bestan árangur: Kristinn Rúnar Þórarinsson, stúdentsbraut að loknu starfsnám

Viðurkenning frá Soroptimistaklúbbi Hóla og Fella: Rawaa M S Albayyouk, opin braut

Viðurkenning frá Rotaryklúbbi Breiðholts: Sveinn Máni Sigurðsson, húsasmiðabraut og stúdentsbraut að loknu starfsnámi

Flottur hópur.
Framhaldsskólar Tímamót Skóla- og menntamál Reykjavík Dúxar

Tengdar fréttir

Verzlingar settu upp húfur og skelltu sér til Krítar

Alls útskrifuðust 332 nemendur frá Verzlunarskóla Íslands við hátíðlega athöfn í Borgarleikhúsinu. Dúx skólans var Inga Júlíana Jónsdóttir. Nýstúdentar njóta þessa dagana lífsins í útskriftarferð á Krít.

Erfiðast að læra íslenskuna

Þrjár stelpur sem allar fengu verðlaun fyrir framúrskarandi námsárangur í Fjölbrautarskólanum í Ármúla og eru nýbúnar að læra íslensku stefna allar á nám við sama háskólann. Þær segja vináttuna hafa gefið sér margt og segjast stoltar af því að tala íslensku.

Dúxinn í Kvennó úr óvæntri átt

Mikil gleði ríkti í Háskólabíó síðastliðinn föstudag þegar 209 nýstúdentar voru brautskráðir frá Kvennaskólanum við hátíðlega athöfn. Dúx skólans var Grímur Gunnhildarson Einarsson með einkunnina 9,69 en þetta er í fyrsta sinn í langan tíma sem dúx kemur af félagsvísindabraut.

Dúxinn fjarri góðu gamni

Dúx Flensborgarskólans í Hafnarfirði þetta árið var ekki viðstaddur brautskráningarathöfnina vegna þess að hann er þessa stundina staddur úti í Andorra þar sem hann etur kappi á Smáþjóðaleikunum í sundi fyrir Íslands hönd.

Mest lesið


Fleiri fréttir

Sjá meira


×

Mest lesið