Innlent

Hæsti­réttur gefur grænt ljós á búvörulögin

Árni Sæberg skrifar
Allir sjö dómarar Hæstaréttar dæmdu í málinu. Stranglega bannað er að mynda inni í réttarsalnum eftir að dómarar ganga þar inn.
Allir sjö dómarar Hæstaréttar dæmdu í málinu. Stranglega bannað er að mynda inni í réttarsalnum eftir að dómarar ganga þar inn. Vísir/Sigurjón

Hæstiréttur hefur sýknað Samkeppniseftirlitið af öllum kröfum Innness í búvörulagamálinu. Hæstiréttur hefur því gefið grænt ljós á lögin umdeildu. Ríkisstjórnin hefur þegar boðað breytingu á lögunum til fyrra horfs.

Hæstiréttur kvað upp dóm þess efnis klukkan 14 en hann hefur ekki verið birtur og því liggja forsendur hans ekki fyrir að svo stöddu. Allir sjö dómarar Hæstaréttar dæmdu í málinu og það var tekið fyrir án viðkomu í Landsrétti.

Hafa þegar leikið nokkra leiki á grundvelli laganna

Málið sneri í grunninn að breytingum á búvörulögum, sem gerðu það að verkum að kjötafurðastöðvar væru undanþegnar samkeppnislögum. Á grundvelli laganna hefur Kaupfélag Skagfirðinga til að mynda getað keypt Kjarnafæði Norðlenska, án þess að Samkeppniseftirlitið fengi rönd við reist.

Héraðsdómur hafði áður fellt úr gildi ákvörðun Samkeppniseftirlitsins um að verða ekki við kröfu Innes um inngrip í háttsemi framleiðendafélaga vegna þess að dómurinn taldi búvörulögin ekki hafa verið samþykkt á stjórnskipulegan hátt.

Ætlaði að vera á undan Hæstarétti

Hanna Katrín Friðriksson atvinnuvegaráðherra lagði í febrúar fram frumvarp um breytingar á búvörulögunum þess efnis að þau færu aftur í fyrra horf. Til stóð að breyta lögunum áður en dómur yrði kveðinn upp í Hæstarétti, sem var harðlega gagnrýnt af þingmönnum stjórnarandstöðunnar.

Fyrsta umræða um frumvarpið fór fram í þinginu í mars og var vísað til atvinnuveganefndar, þar sem það situr enn.

Búvörusamningar Dómsmál Landbúnaður Alþingi Ríkisstjórn Bjarna Benediktssonar (2024) Ríkisstjórn Kristrúnar Frostadóttur Undanþága kjötafurðastöðva frá samkeppnislögum

Tengdar fréttir

Skilur ekkert í afstöðu samtakanna

Til stendur að snúa umdeildri breytingu á búvörulögum í fyrra horf áður en Hæstiréttur kveður upp sinn dóm um lögin. Formaður Bændasamtakanna segir breytingu í fyrra horf vega að hagsmunum bænda, framkvæmdastjóri Félags atvinnurekanda segir afstöðu samtakanna óskiljanlega.

Hæstiréttur fer beint í búvörulagamálið

Hæstiréttur hefur samþykkt að taka fyrir dóm Héraðsdóms Reykjavíkur þar sem komist var að þeirri niðurstöðu að búvörulög sem voru samþykkt á Alþingi í mars hefðu strítt gegn stjórnarskrá. Málið mun því fara beint fyrir Hæstarétt, en ekki koma við hjá áfrýjunardómstólnum Landsrétti.

Áfrýjar búvörulagamálinu til Hæstaréttar

Samkeppniseftirlitið hefur ákveðið að óska eftir leyfi til að áfrýja dómi Héraðsdóms Reykjavíkur, í máli sem varðar gildi breytinga á búvörulögum, beint til Hæstaréttar. Óbreyttur kemur dómurinn í veg fyrir að kjötafurðastöðvar séu undanþegnar samkeppnislögum.

Mest lesið


Fleiri fréttir

Sjá meira


×

Mest lesið