Þau vilja stýra ÁTVR

Greint var frá því í lok febrúar Ívar Jónsson Arndal, forstjóri ÁTVR til tveggja áratuga, sæktist ekki eftir endurráðningu og myndi láta af störfum þann 1. september. Hann hefur starfað hjá stofnuninni frá árinu 1990 en verður 67 ára í maí.

Umsóknarfrestur um starf hans rann út á dögunum og fjármála- og efnahagsráðuneytið hefur afhent Vísis lista umsækjenda. Á listanum er meðal annars að finna framkvæmdarstjóra Fríhafnarinnar í Flugstöð Leifs Eiríkssonar, fyrrverandi eiganda Bako Ísbergs og Eplis, fyrrverandi framkvæmdastóra Knattspyrnufélags ÍA, fyrrverandi forstjóra Securitas og einn eigenda áfengisframleiðandans Og natura.

Það sem vekur helst athygli er að á listanum er hvergi að sjá Sigrúnu Ósk Sigurðardóttur, aðstoðarforstjóra ÁTVR. Hún hefur undanfarin ár séð um öll samskipti stofnunarinnar við fjölmiðla undanfarin ár, enda hefur Ívar alla tíð látið lítið fyrir sér fara í starfi forstjóra.

Umsækjendur um stöðu forstjóra ÁTVR:

• Agnar Þór Fjeldsted, þjónustustjóri
• Angantýr Einarsson, skrifstofustjóri
• Bjarni Þorvarður Ákason, framkvæmdastjóri og eigandi
• Daði Björnsson
• Davíð Logi Dungal, iðnrekstrarfræðingur
• Davíð Örn Pálsson, rekstrarstjóri
• Eyjólfur Vilberg Gunnarsson, framkvæmdastjóri
• Gunnar Atli Fríðuson, viðskiptastjóri
• Liljar Már Þorbjörnsson, framleiðslu- og sölustjóri
• Oddur Þórir Þórarinsson, lögmaður og læknir
• Ólöf Þórhallsdóttir, sviðsstjóri aðgengis og öryggis
• Ómar Svavarsson, forstjóri
• Pétur Fannberg Víglundsson, verkefnastjóri
• Sigurrós Pálsdóttir, rekstrar-og vörumerkjastjóri
• Svava Ásgeirsdóttir, fjármála- og rekstrarstjóri
• Unnur Jónsdóttir, MLM
• Úlfar Gauti Haraldsson, sölu- og markaðsstjóri
• Þorgerður Kristín Þráinsdóttir, framkvæmdastjóri
• Þórhallur Harðarson, framkvæmdastjóri fjármála og stoðsviða

Það kemur í hlut Daða Más Kristóferssonar, fjármála- og efnahagsráðherra, að skipa nýjan forstjóra.