Aldrei verið eins ein­falt að bóka tíma

Bókanir með einum smelli

„Þú sparar tíma og færð skýrari yfirsýn yfir allar helstu þjónustur í kringum þig – án þess að þurfa að vafra um netið eða hringja um allar trissur. Þegar þú hefur fundið þína þjónustu sem hentar, getur þú bókað tíma með einföldum hætti. Engin símtöl, engin óvissa – bara einfalt og skilvirkt ferli,“ útskýrir Inga Tinna Sigurðardóttir, eigandi og forstjóri Dineout, en tímabókunarkerfið Sinna og markaðstorgið sinna.is eru nýjar hugbúnaðarlausnir sem þróunarteymi Dineout hefur unnið að síðastliðna 12 mánuði.

Notendavænt og miklu fleiri  möguleikar

Inga Tinna segir að Sinna muni breyta bókunarferlinu eins og við þekkjum það og auðvelda bæði viðskiptavinum og rekstraraðilum lífið. Mun fleiri möguleikar séu fyrir hendi í Sinna og verður glænýtt snjallforrit fyrir viðskiptavini kynnt á allra næstu dögum.

„Með Sinna er bókunarferlið mjög notendavænt og fólk hefur fleiri möguleika í höndunum. Til dæmis ef fólk vill komast í klippingu en er óvíst hvaða dagur hentar, þá er hægt að velja ákveðið tímabil og sinna.is sýnir þér lausa tíma á tímabilinu. Eins er hægt að bóka fyrir tvo eða fleiri aðila hjá mismunandi þjónustuaðilum í einni bókun, sem er algjör nýjung og virkilega hentugt þegar fjölskyldumeðlimir vilja bóka sig saman, til dæmis einn í förðun og annan í hárgreiðslu. 

Þetta eru nýjungar sem hafa ekki sést áður á markaðstorgi hér á landi. Þú sérð framboð í rauntíma og getur fylgst með þínum bókunum í gegnum “mínar síður” á sinna.is.“ 

Kerfið notendavænt og skilvirkt

Tugir fyrirtækja eru þegar í samstarfi við Sinna og þar á meðal eru hárstúdíóin; Stofan, Mio Mio og Korner, ásamt rakarastofunum Kings & Queens og Disko Paradiso.

Stofan Hárstúdíó mælir eindregið með Sinna

„Sinna hefur einfaldað dagleg störf á Stofunni til muna,“ segir Iðunn Aðalsteinsdóttir, eigandi Stofunnar hárstúdíó og hárgreiðslumeistari. „Kerfið er notendavænt, skilvirkt og auðvelt í notkun – bæði fyrir starfsfólk og viðskiptavini. Þjónustan hefur verið til fyrirmyndar og samskiptin ávallt skýr og fagleg. Stofan Hárstúdíó hlakkar til áframhaldandi samstarfs við Sinna og mælir heilshugar með bókunarkerfinu."

Stofan Hárstúdíó býður upp á faglega og persónulega þjónustu þar sem metnaður, ástríða og reynsla fara saman. Fagfólk stofunnar hefur margra ára reynslu og leggur áherslu á að veita hlýja, trausta og framúrskarandi þjónustu í notalegu umhverfi. Stofan Hárstúdíó er við Faxafen 9 og er hægt að bóka tíma á sinna.is/stofan.

Mio Mio Hárstúdíó

Á MIO MIO hárstúdíó starfar frábært og metnaðarfullt teymi menntaðra hársnyrta sem fylgist vel með nýjustu tískustraumum og þróun innan hárgreiðslu og snyrtingar. Þau leggja sig fram við að veita viðskiptavinum sínum einstaka þjónustu og nýta eingöngu vandaðar og hágæða hárvörur sem bæði styrkja og næra hárið. MIO MIO er hlýlegt og nútímalegt hárstúdíó staðsett í hjarta Árbæjar og þar er lögð rík áhersla á að skapa notalegt andrúmsloft þar sem viðskiptavinir geta slakað á og notið sín.

Starfsfólkið leggur sérstaka áherslu á að veita persónulega þjónustu sem sniðin er að þörfum hvers og eins, hvort sem um ræðir klippingu, litun, hármeðferðir eða faglega ráðgjöf um hár, stíl og umhirðu. MIO MIO er staður þar sem fagmennska og sköpunargleði mætast – með það að markmiði að láta hverjum og einum líða sem sitt besta sjálf. Bókaðu tíma á sinna.is/miomio.

Skilvirkni, fagmennska og sýnileiki

„Sinna hefur reynst Korner hárstúdíó einstaklega vel, sérstaklega hvað varðar skilvirkt tímabókunarkerfi og framúrskarandi þjónustu. Við vorum með það í huga að setja upp heimasíðu fyrir viðskiptavini en slíkt getur falið í sér töluverðan kostnað og flókin ferli. Með innleiðingu Sinna fengum við okkar eigin heimasíðu sem auðvelt er að uppfæra og nýta til að miðla upplýsingum á skýran og einfaldan hátt. 

Þjónustan hefur verið til mikillar fyrirmyndar og Sinna hefur einnig stutt okkur verulega í markaðssetningu og aukinni sýnileika út á við,” segir Kristjana Þorláksdóttir, eigandi Korner hárstúdíó og hárgreiðslumeistari. Bókaðu tíma á sinna.is/korner.

Íslenskt hugvit og þjónusta í stöðugri þróun

Sinna.is er ein af hugbúnaðarlausnum Dineout og einstakt á sínu sviði. Þar sem sinna.is er nýtt markaðstorg, bætast sífellt fleiri fyrirtæki og einstaklingar við og þjónustan þróast með þörfum notenda. Með því að nota síðuna styður þú einnig við nýsköpun í íslensku atvinnulífi.

Prófaðu Sinna.is í dag og uppgötvaðu hárgreiðslustofur á nýjan hátt – snjallari, einfaldari og skemmtilegri leið til að bóka næsta tíma. Hvort sem þú ert að leita að klassískri klippingu, litun, balayage meðferð, rakstur eða greiðslu fyrir sérstakt tilefni, þá er sinna.is til staðar við að auðvelda þér lífið.

Teymi Dineout er spennt að vera mætt á þjónustumarkaðinn með nýjar áherslur og markaðsþenkjandi hugmyndir. Sinna stendur fyrir áreiðanleika og gæði eins og Dineout er þekkt fyrir. Markmiðið er að auka viðskipti samstarfsaðila og kynna almenningi fyrir fjölbreyttu úrvali af þjónustuframboði.

Þjónustuaðilar sem hafa áhuga á að vera hluti af Sinna.is geta haft samband í gegnum sinna@sinna.is.