Erlent

Öku­maðurinn í Vancouver á­kærður fyrir mann­dráp

Lovísa Arnardóttir skrifar
Mikil reiði og sorg er í filippseyska samfélaginu í Vancouver vegna árásarinnar.
Mikil reiði og sorg er í filippseyska samfélaginu í Vancouver vegna árásarinnar. Vísir/EPA

Kai-Ji Adam Lo, þrítugur karlmaður, hefur verið ákærður fyrir að drepa átta manns þegar hann ók bíl inn í hóp fólks á laugardag á götuhátíð í kanadísku borginni Vancouver um helgina. Ellefu eru látin og tugir slösuð.

Kai-Ji Adam Lo fór fyrir dómara seint í gær og fór svo aftur í gæsluvarðhald. Í frétt BBC er haft eftir lögreglunni í Vancouver að líklega muni bætast við fleiri ákærur síðar.

Steve Rai, starfandi lögreglustjóri borgarinnar, lýsti deginum sem þeim myrkasta í sögu borgarinnar. Um hundrað þúsund manns mættu á Lapu Lapu-hátíðina, filippseysk hátíð sem var haldinn allan daginn.

Í frétt BBC segir að ekki hafi enn verið greint frá því hverjir létust á hátíðinni en lögregla hefur þó greint frá því að fórnarlömbin séu á aldursbilinu fimm til 65 ára.

Kai-Ji Adam Lo hafði áður komist í kast við lögin. Lögregla útilokar ekki að hann aðhyllist öfgaskoðanir en taldi þó líklegra að atvikið mætti frekar tengja við andleg veikindi hans.

Mikil reiði og sorg er í filippseyska samfélaginu í Vancouver vegna árásarinnar. Árásin átti sér stað klukkan 20.14. Fjölmargir urðu vitni að atburðinum.

Kanada Filippseyjar

Tengdar fréttir

Níu létust í árásinni í Vancouver

Níu eru látnir og fjöldi er særður eftir að bíl var ekið inn í þvögu fólks á hátíð í Vancouver í Kanada í nótt. 

Mest lesið


Fleiri fréttir

Sjá meira


×

Mest lesið