Greint frá dánar­or­sök páfans

Vatíkanið greindi frá þessu í tilkynningu fyrr í kvöld og staðfestu það sem ítalskir fjölmiðlar höfðu þegar greint frá fyrr í dag.

Páfinn hafði lengi verið heilsuveill vegna alvarlegra veikinda í lungum og lá í 38 daga vegna meðferðar við berkjubólgu. Árið 1958 var hluti úr öðru lunga páfans fjarlægður og hafði hann síðan glímt við reglulegar berkju- og lungabólgur.

Sjá einnig: Útskrifast á morgun og þarf að læra að tala upp á nýtt

Frans páfi, fæddur sem Jorge Mario Bergoglio, var 88 ára að aldri þegar hann lést og hafði sinnt embætti páfa í alls tólf ár. 

Hann hélt síðasta ávarp sitt í gær á páskadag og blessaði margmennið sem saman hafði komið á Péturstorgi til að fagna upprisunni. Fjöldinn allur af þjóðarleiðtogum hefur minnst páfans í dag, þar á meðal Halla Tómasdóttir, forseti Íslands.