Neytendur

Indó ríður aftur á vaðið

Árni Sæberg skrifar
Tryggvi Björn Davíðsson, framkvæmdastjóri Indó.
Tryggvi Björn Davíðsson, framkvæmdastjóri Indó. Vísir/Vilhelm

Í kjölfar vaxtalækkunar Seðlabanka Íslands í dag hefur Indó sparisjóður ákveðið að lækka vexti á inn- og útlánum sínum. Önnur fjármálafyrirtæki hafa ekki greint frá áformum sínum um vexti.

Í fréttatilkynningu frá Indó segir að vextir á debetreikningum, sparibaukum, yfirdrætti og svokölluðu færslusplitti lækki um sem nemur lækkun Seðlabankans, eða um 0,25 prósentustig.

Vextir eftir breytingar verði því eftirfarandi:

  • Á debetreikningum: 2,00%
  • Á sparibaukum: 6,85%
  • Á yfirdrætti í virkri endurgreiðslu: 12,75%
  • Á yfirdrætti án virkrar endurgreiðslu: 14,75%
  • Á færslusplitti: 14,75%
  • Á fyrirframgreiddum launum: 0%

Vaxtalækkun Indó endurspegli því alfarið vaxtalækkun Seðlabankans í dag. Vaxtalækkun á debetreikningum taki gildi frá og með 19. maí í samræmi við ákvæði laga. Aðrar breytingar taki gildi í dag, þann 19. mars.

Efnahagsmál Fjármálafyrirtæki Seðlabankinn Neytendur Fjármál heimilisins

Tengdar fréttir

Indó ríður á vaðið

Í kjölfar vaxtalækkunar Seðlabanka Íslands í dag hefur Indó sparisjóður ákveðið að lækka vexti á inn- og útlánum sínum. Önnur fjármálafyrirtæki hafa ekki greint frá áformum sínum um vexti.

Vaxtalækkun í takt við væntingar en nefndin telur enn þörf á „þéttu“ aðhaldi

Samstaða var á meðal nefndarmanna peningastefnunefndar Seðlabankans að lækka vexti um 25 punkta, sem var í samræmi við væntingar greinenda og markaðsaðila, en samtímis háu raunvaxtastigi er verðbólgan að hjaðna á breiðum grunni og útlit fyrir að hún minnki áfram á næstu mánuðum. Nefndin undirstrikar hins vegar sem fyrr að áfram verði þörf á „þéttu taumhaldi peningastefnunnar.“



Mest lesið


Fleiri fréttir

Sjá meira


×

Mest lesið