Neytendur

Neytendur

Neytendafréttir af íslenskum markaði.

Fréttir í tímaröð

Fréttamynd

Kreditkortavandi hjá Lands­bankanum leystur

Kreditkortagreiðslur hjá Landsbankanum sem voru skuldfærðar 2. júlí hafa ekki enn skilað sér vegna bilunar. Það hefur áhrif á ráðstöfun kortanna. Unnið er að því að finna lausn á vandamálinu.

Neytendur
Fréttamynd

Thule lækkar í prósentu

Bjórinn Thule mun lækka í prósentu. Hann hættir að vera 5 prósenta bjór og verður frekar 4,4 prósenta „lite“ bjór. Hann mun samt áfram heita Thule. Coca Cola á Íslandi segist gera þetta til að mæta breyttum áherslum neytenda sem leiti í auknum mæli að léttari bjór.

Neytendur
Fréttamynd

Rukka ekki lengur for­eldra fyrir að sitja við hlið barna sinna

Lággjaldaflugfélagið Ryanair hefur verið skikkað til þess að breyta reglum sínum um sætaskipan fyrir fjölskyldur og leyfa foreldrum að sitja við hlið ungra barna sinna án þess að greiða gjald fyrir sætapöntun. Er þetta í kjölfar rannsóknar sem breska samkeppnis- og markaðseftirlitið (CMA) hóf nýverið til að kanna hvort stefna flugfélagsins, sem eftirlitið segir að leiði venjulega til gjalds upp á átta pund, eða þrettán hundruð krónur, hvora leið, sé „ósanngjörn“ samkvæmt neytendalögum.

Viðskipti erlent
Fréttamynd

Einungis sjö bílar kallaðir inn

Eigendur Land Rover-bíla sem BL hefur innkallað vegna skipta á háspennurafhlöðu þurfa ekki að hætta að keyra bílana þar til þeir komast í viðgerð. Öruggt er að keyra þá en einungis sjö ökutæki er um að ræða. 

Neytendur
Fréttamynd

Inn­kalla Land Rover-bíla vegna bruna­hættu

Bílaumboðið BL hefur innkallað fjórar undirtegundir nýrra Land Rover-ökutækja þar sem hætta er á ofhitnun háspennurafhlöðu sem gæti orðið til þess að kvikni í ökutækinu. BL mun skipta um rafhlöðu á þeim ökutækjum sem eru innkölluð. Innköllunin nær einungis til tengiltvinnbíla, eða „plug-in hybrid“ (PHEV).

Viðskipti innlent
Fréttamynd

Kaup­máttur heldur á­fram að aukast

Kaupmáttur ráðstöfunartekna á mann jókst um 1,1 prósent á fyrsta ársfjórðungi 2026. Ráðstöfunartekjur jukust um 6,4 prósent milli ára og vísitala neysluverðs hækkaði um 5,3 prósent. 

Neytendur
Fréttamynd

Taka ekki upp gjald­skyldu við Kringluna

Ekki stendur til að taka upp gjaldskyldu á bílastæði við Kringluna líkt og ákveðið hefur verið að gera við verslunarmiðstöðina Smáralind. Markaðsstjóri Kringlunnar segir meiri aðsókn í verslunarmiðstöðina en bílastæðaskortur sé ekki sérstakt vandamál.

Neytendur
Fréttamynd

Taka upp gjald­skyldu við Smára­lind

Forsvarsmenn Smáralindar hafa ákveðið að taka upp gjaldskyldu á bílastæðum við verslunarmiðstöðina en uppbygging á svæðinu og aðsókn í húsið eru meðal þess sem spilaði inn í ákvarðanatökuna að sögn markaðsstjóra Smáralindar.

Neytendur
Fréttamynd

Lægsta matvöruverðið enn oftast að finna í Prís

Verðmunur á einstökum vörum er víða mikill og í mörgum tilvikum fer hann yfir 30 prósent. Verðmunur er gjarnan minni í lágvöruverslunum eða oft á bilinu fimm til tíu prósent frá lægsta verði. Verð er enn ódýrast í Prís og um fimm til sex prósentum dýrara í Bónus og Krónunni. Þetta sýnir ný könnun Verðlagseftirlits ASÍ á matvöruverði.

Viðskipti innlent
Fréttamynd

Að fólk skilji garðhús­gagna­búslóðirnar eftir heima

Tónleikar hljómsveitarinnar Kaleo fara fram á Þingvöllum um næstu helgi og bera yfirskriftina Bergmál. Umræða hafði skapast undanfarna daga á spjallþráðum Facebook-hópa eftir að í ljós kom að stólar, regnhlífar og veitingar yrðu ekki leyfð á svæðinu. Jakob Frímann tónleikahaldari segir enga ástæðu til að hafa áhyggjur af þessu þó ekki sé gert ráð fyrir því að fólk flytji heilu garðhúsgagnabúslóðirnar með sér.

Neytendur
Fréttamynd

Spá ör­lítilli hjöðnun verð­bólgu

Íslandsbanki spáir því að verðbólga hjaðni lítillega í júní, en muni samt mælast yfir forsenduákvæði kjarasamninga í ágúst. Til lengri tíma litið er ekki útlit fyrir að verðbólga mælist við markmið á næstu árum.

Neytendur
Fréttamynd

Sjálfsafgreiðslukassarnir skili ekki lægra vöru­verði

Framkvæmdastjóri Bónuss segist ekki geta fækkað starfsfólki þrátt fyrir tilkomu sjálfsafgreiðslukassa og þar af leiðandi lækki ekki vöruverð vegna þess. Nú þegar sé álagning á vörurnar svo lág að ef vöruverð yrði lækkað um þrjú prósent væri félagið nærri gjaldþroti.

Viðskipti innlent
Fréttamynd

Ferðum Ís­lendinga til út­landa fækkar

Frá áramótum hafa brottfarir Íslendinga verið um fimmtíu og níu þúsund, en það eru 11 prósent færri brottfarir en í maí síðasta árs. Samkvæmt nýjustu tölum Ferðamálastofu voru um hundrað sextíu og þrjú þúsund brottfarir erlendra farþega frá Keflavíkurflugvelli í maí. Það er svipaður fjöldi og í sama mánuði í fyrra. 

Innlent

Mest lesið