Byssu­maður farinn af vett­vangi þegar lög­reglan kom

Þetta kemur fram í dagbók lögreglunnar á höfuðborgarsvæðinu, en þar segir að lögreglan hafi verið með töluverðan viðbúnað vegna málsins, líkt og alltaf þegar tilkynningar sem þessar berist. Maðurinn var þó farinn af vettvangi þegar lögregla kom á vettvang og fannst hann ekki þrátt fyrir leit.

Að sögn lögreglu er málið í rannsókn.

Í dagbókinni er einnig greint frá fjögurra bíla árekstri við Miklubraut. Engin teljandi slys urðu á fólki, en allir bílarnir voru óökuhæfir eftir áreksturinn og voru fjarlægðir með dráttarbílum.

Í miðbænum var tilkynnt um ölvaðan ferðamann sem þótti gera sig líklegan til slagsmála við dyraverði á öldurhúsi. Þegar lögregla kom á vettvang hafði allt róast og ferðamaðurinn gekk sína leið, segir í dagbókinni.

Þá var tilkynnt um einstakling sem hafði ráðist á tvo og skemmt heyrnartól annars þeirra. Sá var handtekinn og fluttur á lögreglustöð þar sem meint fíkniefni fundust í fórum hans. Hann var vistaður í þágu rannsóknar málsins.