„Algjörlega óforsvaranlegt að borgarstjóri skuli gera lítið úr okkur” Lovísa Arnardóttir skrifar 23. október 2024 23:28 Einar Þorsteinsson borgarstjóri segir víðtækt samráð hafa verið haft við íbúa í Grafarvogi. Vísir/Vilhelm Íbúar í Grafarvogi segja ummæli borgarstjóri í Bítinu á Bylgjunni í morgun hvorki honum né meirihluta borgarstjórnar til sóma. Einar Þorsteinsson borgarstjóri ræddi í Bítinu áform um uppbyggingu í Grafarvogi en íbúar eru margir afar óánægðir. Íbúar krefjast þess að tekið verði tillit til þeirra áhyggjuefna og að leitað verði lausna sem samræmist betur þörfum og óskum íbúa í uppbyggingu í Grafarvogi. Í yfirlýsingu frá íbúum í nágrenni við Sóleyjatún sem send var út í kvöld um málið lista þau öll sín helstu áhyggjuefni við uppbyggingu við Sóleyjatún í Grafarvogi en það eru til dæmis ofurþétting byggðar á grænu svæði, að þéttleiki byggðar sé í ósamræmi við nærliggjandi byggð, skuggavarp, ófullnægjandi bílastæðafjölda og erfiðleika við snjómokstur. Þá segja þau aukna umferð fylgja þéttingunni og að öryggi barna sé stefnt í hættu. Helstu áhættuefnin má sjá að neðan í heild sinni. Einar sagði í Bítinu óánægju um uppbyggingu í hverfinu aðallega koma frá fulltrúum Sjálfstæðisflokks og vísaði til formanns íbúasamtaka í Grafarvogi „sem einhverrar reiðrar konu“. Hafa mótmælt og rökstutt mótmælin „Staðreyndin er sú að íbúar Grafarvogs hafa í miklum mæli mótmælt þessum áformum og rökstutt sín mótmæli með málefnalegum rökum byggðum á staðreyndum. Við sjáum okkur því knúin til að svara og ítreka mótmæli og rök íbúa gegn þessum áformum,“ segir í yfirlýsingu frá íbúunum. Undir yfirlýsinguna skrifa þau Sigrún Ásta Einarsdóttir, Vignir Þór Sverrisson, Elísabet Einarsdóttir, Berglind Kristinsdóttir og Jóhanna Lilja Hom. Í yfirlýsingu þeirra er bent á að við þéttingaráform borginnar hafa verið skrifaðar 562 athugasemdir. Þar af séu 130 sem tengist sérstaklega þéttingaráformum í Sóleyjarrima. Þá hafi rím tvö þúsund undirritað mótmælalista við áformunum og um 1.200 mótmælt þéttingaráformum í Sóleyjarrima sérstaklega. Í Bítinu í morgun sagði Einar aldrei hafa verið farið í jafn ítarlegt samráð og var farið í Grafarvogi í aðdraganda breytinganna. Þessu mótmæla íbúarnir. „Hægt er að setja út á nánast allt sem fram kom í máli borgarstjóra í morgun en sér í lagi fullyrðingar hans um að samráð við íbúa hafi verið með stórkostlegu móti. Það er alls ekki upplifun okkar íbúa Grafarvogs. Þvert á móti hafa fæstir fengið nokkra kynningu eða boð um samtal,“ segir í yfirlýsingu íbúanna. Dræm aðsókn komi ekki á óvart Þá segir að auglýsing um kynningu hafi verið illa auglýst og fundurinn sjálfur afar stuttur. Það sama megi segja um fund íbúaráðs sem hafi verið í beinni útsendingu. Hann hafi verið illa auglýstur og því illa sóttur. „Dræm aðsókn kemur okkur íbúum ekki á óvart því ekkert okkar sá auglýsingar um hann þó þetta mál hafi átt hug okkar allan undanfarnar vikur og mánuði. Borgarstjóri gleymir líka að taka fram að helmingur umsagnarfrests, vegna tillagna sem kynntar voru þann 26. september, var liðinn áður en tillögurnar sjálfar voru kynntar,“ segir enn fremur í tilkynningunni. Þá segja þau íbúa hverfisins hafa þurft að verja miklum tíma í að ganga í hús til að láta vita af fyrirhuguðum framkvæmdum. „Eftir alla þá vinnu sem við höfum þurft að leggja á okkur í þessu máli er algjörlega óforsvaranlegt að borgarstjóri skuli gera lítið úr okkur með því að segja að þetta sé allt frá fulltrúum Sjálfstæðisflokksins komið. Við höfum gengið í hús og kynnt fyrirhugaðar framkvæmdir, af okkar einlæga áhuga á að halda í þau gildi og það umhverfi sem við veljum okkur að búa við. Við erum fullfær um að annast hagsmunagæslu okkar nærumhverfis sjálf.“ Helstu áhyggjuefni okkar íbúa við Sóleyjatún eru eftirfarandi samkvæmt yfirlýsingu: 1. Ofurþétting byggðar á grænu svæði: Íbúar telja að fyrirhuguð byggð á Sóleyjatúni sé of mikil og í engu samræmi við fyrri loforð borgaryfirvalda 2. Þéttleiki fyrirhugaðrar byggðar í hrópandi ósamræmi við nærliggjandi byggð: Áform eru um fleiri en 80 íbúðir (2ja & 3ja hæða blokkir) og 3ja hæða bílastæðahús á litla Sóleyjartúni (1,5 hektara). Slíkar framkvæmdir eru í engu samræmi við nærliggjandi byggð, sem samanstendur að mestu af einlyftum einbýlishúsum og raðhúsum á tveimur hæðum. 3. Skuggavarp og útsýnisskerðing: Margra hæða blokkir munu skapa skuggavarp og skerða útsýni og lífsgæði núverandi íbúa. 4. Ófullnægjandi bílastæðafjöldi: Byggingaráformin gera ráð fyrir 0,68 stæðum á íbúð, sem mun skapa mikinn bílastæðavanda fyrir bæði núverandi og nýja íbúa. 5. Erfiðleikar við snjómokstur: Snjómokstur hefur oft reynst erfiður í götunni og hefur Sóleyjarimi ósjaldan orðið einbreiður á veturna sökum þess. Þessi vandi mun aukast til muna þegar bílum nýrra íbúa verður lagt upp eftir götunni, eins og reynslan kennir okkur úr Gufuneshverfi. 6. Stór opin bílahús án eftirlits: Slík bygging við hlið grunnskóla getur auðveldlega orðið samkomustaður unglinga og mögulegt neyslurými fyrir fíkla með tilheyrandi ónæði og jafnvel öryggismissi íbúa. 7. Álag á þegar veika innviði: Skólar, leikskólar, umferðarmannvirki og aðrir innviðir munu eiga erfitt með að taka á móti fjölgun íbúa, barna og bifreiða sem þeim fylgja. Nú þegar eru leikskólar yfirfullir, frístundaheimili geta ekki tekið inn 7-8 ára börn og íbúar sitja löngum stundum fastir í umferð eftir að Gufuneshverfið byggðist upp. 8. Aukning umferðar og mengunar: Aukning umferðar mun leiða til meiri mengunar og skertari lífsgæða íbúa. 9. Öryggi barna: Aðþrengd og stóraukin umferð við eina af helstu gönguleiðum barna í Rimaskóla vekur áhyggjur um öryggi þeirra, sérstaklega á snjóþungum vetrum þegar gatan verður einbreið og göngustígar ekki ruddir. Þá hafa börnin neyðst til þess að ganga á götunni á leið sinni til skóla. 10. Lítil vitneskja íbúa um framkvæmdir: Kynningarferli Reykjavíkurborgar var ófullnægjandi og vita mjög fáir íbúar hvað er í vændum (sjá umsagnir í skipulagsgátt). Borgarstjórn Sveitarstjórnarmál Húsnæðismál Reykjavík Bítið Skipulag Tengdar fréttir Vilja Grafarvogsbúar þéttingu meirihlutans í Reykjavík? Meirihlutinn í Reykjavíkurborg hefur kynnt áform um þéttingu byggðar í Grafarvogi. Áformin fela í sér að 500 íbúðir muni rísa þar á næstu árum, en fyrirvari er þó gerður um íbúasamráð og athugasemdir frá nærumhverfi. Fjölmargir íbúar Grafarvogs hafa lýst miklum áhyggjum af þessum áformum og hafa hrundið af stað undirskriftasöfnun. 7. október 2024 08:01 Mest lesið Ótrúlegur árekstur: „Ég sá bara dekk og púströr“ Innlent Trump-liðar heita hefndum Erlent Ríkið situr á þúsundum hektara af framræstu votlendi Innlent Yfirlæknir gagnrýnir auglýsingu gegn lyfi við RS-veiru Innlent Skýrt að Ísland sé ekki griðastaður stríðsglæpamanna Innlent Sagði frá fyrirætlunum sínum í SMS-i fyrir morðið Erlent „Ég mun ekki sjá eftir honum“ Innlent Vonar að fólk taki ekki mark á auglýsingum þar sem farið er með rangindi Innlent Trump höfðar 15 milljarða dala mál gegn New York Times Erlent Frumvarp um afnám laga um orlof húsmæðra lagt fram í tíunda sinn Innlent Fleiri fréttir Stöðugildum á vegum ríkisins fjölgaði um rúm 500 á síðasta ári Eldgos geti hafist hvenær sem er Rændi bíl í Veiðivötnum og ók undir áhrifum af vettvangi Vonar að fólk taki ekki mark á auglýsingum þar sem farið er með rangindi Ótrúlegur árekstur: „Ég sá bara dekk og púströr“ Merki um að gjá í samfélaginu sé að stækka Skýrt að Ísland sé ekki griðastaður stríðsglæpamanna Stjórnvöld ætli að hafa yfirhöndina gagnvart skipulögðum glæpahópum Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels Lokun Sorpu á Dalvegi enn frestað Munu áfram stýra fastanefndunum Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Sjá meira
Íbúar krefjast þess að tekið verði tillit til þeirra áhyggjuefna og að leitað verði lausna sem samræmist betur þörfum og óskum íbúa í uppbyggingu í Grafarvogi. Í yfirlýsingu frá íbúum í nágrenni við Sóleyjatún sem send var út í kvöld um málið lista þau öll sín helstu áhyggjuefni við uppbyggingu við Sóleyjatún í Grafarvogi en það eru til dæmis ofurþétting byggðar á grænu svæði, að þéttleiki byggðar sé í ósamræmi við nærliggjandi byggð, skuggavarp, ófullnægjandi bílastæðafjölda og erfiðleika við snjómokstur. Þá segja þau aukna umferð fylgja þéttingunni og að öryggi barna sé stefnt í hættu. Helstu áhættuefnin má sjá að neðan í heild sinni. Einar sagði í Bítinu óánægju um uppbyggingu í hverfinu aðallega koma frá fulltrúum Sjálfstæðisflokks og vísaði til formanns íbúasamtaka í Grafarvogi „sem einhverrar reiðrar konu“. Hafa mótmælt og rökstutt mótmælin „Staðreyndin er sú að íbúar Grafarvogs hafa í miklum mæli mótmælt þessum áformum og rökstutt sín mótmæli með málefnalegum rökum byggðum á staðreyndum. Við sjáum okkur því knúin til að svara og ítreka mótmæli og rök íbúa gegn þessum áformum,“ segir í yfirlýsingu frá íbúunum. Undir yfirlýsinguna skrifa þau Sigrún Ásta Einarsdóttir, Vignir Þór Sverrisson, Elísabet Einarsdóttir, Berglind Kristinsdóttir og Jóhanna Lilja Hom. Í yfirlýsingu þeirra er bent á að við þéttingaráform borginnar hafa verið skrifaðar 562 athugasemdir. Þar af séu 130 sem tengist sérstaklega þéttingaráformum í Sóleyjarrima. Þá hafi rím tvö þúsund undirritað mótmælalista við áformunum og um 1.200 mótmælt þéttingaráformum í Sóleyjarrima sérstaklega. Í Bítinu í morgun sagði Einar aldrei hafa verið farið í jafn ítarlegt samráð og var farið í Grafarvogi í aðdraganda breytinganna. Þessu mótmæla íbúarnir. „Hægt er að setja út á nánast allt sem fram kom í máli borgarstjóra í morgun en sér í lagi fullyrðingar hans um að samráð við íbúa hafi verið með stórkostlegu móti. Það er alls ekki upplifun okkar íbúa Grafarvogs. Þvert á móti hafa fæstir fengið nokkra kynningu eða boð um samtal,“ segir í yfirlýsingu íbúanna. Dræm aðsókn komi ekki á óvart Þá segir að auglýsing um kynningu hafi verið illa auglýst og fundurinn sjálfur afar stuttur. Það sama megi segja um fund íbúaráðs sem hafi verið í beinni útsendingu. Hann hafi verið illa auglýstur og því illa sóttur. „Dræm aðsókn kemur okkur íbúum ekki á óvart því ekkert okkar sá auglýsingar um hann þó þetta mál hafi átt hug okkar allan undanfarnar vikur og mánuði. Borgarstjóri gleymir líka að taka fram að helmingur umsagnarfrests, vegna tillagna sem kynntar voru þann 26. september, var liðinn áður en tillögurnar sjálfar voru kynntar,“ segir enn fremur í tilkynningunni. Þá segja þau íbúa hverfisins hafa þurft að verja miklum tíma í að ganga í hús til að láta vita af fyrirhuguðum framkvæmdum. „Eftir alla þá vinnu sem við höfum þurft að leggja á okkur í þessu máli er algjörlega óforsvaranlegt að borgarstjóri skuli gera lítið úr okkur með því að segja að þetta sé allt frá fulltrúum Sjálfstæðisflokksins komið. Við höfum gengið í hús og kynnt fyrirhugaðar framkvæmdir, af okkar einlæga áhuga á að halda í þau gildi og það umhverfi sem við veljum okkur að búa við. Við erum fullfær um að annast hagsmunagæslu okkar nærumhverfis sjálf.“ Helstu áhyggjuefni okkar íbúa við Sóleyjatún eru eftirfarandi samkvæmt yfirlýsingu: 1. Ofurþétting byggðar á grænu svæði: Íbúar telja að fyrirhuguð byggð á Sóleyjatúni sé of mikil og í engu samræmi við fyrri loforð borgaryfirvalda 2. Þéttleiki fyrirhugaðrar byggðar í hrópandi ósamræmi við nærliggjandi byggð: Áform eru um fleiri en 80 íbúðir (2ja & 3ja hæða blokkir) og 3ja hæða bílastæðahús á litla Sóleyjartúni (1,5 hektara). Slíkar framkvæmdir eru í engu samræmi við nærliggjandi byggð, sem samanstendur að mestu af einlyftum einbýlishúsum og raðhúsum á tveimur hæðum. 3. Skuggavarp og útsýnisskerðing: Margra hæða blokkir munu skapa skuggavarp og skerða útsýni og lífsgæði núverandi íbúa. 4. Ófullnægjandi bílastæðafjöldi: Byggingaráformin gera ráð fyrir 0,68 stæðum á íbúð, sem mun skapa mikinn bílastæðavanda fyrir bæði núverandi og nýja íbúa. 5. Erfiðleikar við snjómokstur: Snjómokstur hefur oft reynst erfiður í götunni og hefur Sóleyjarimi ósjaldan orðið einbreiður á veturna sökum þess. Þessi vandi mun aukast til muna þegar bílum nýrra íbúa verður lagt upp eftir götunni, eins og reynslan kennir okkur úr Gufuneshverfi. 6. Stór opin bílahús án eftirlits: Slík bygging við hlið grunnskóla getur auðveldlega orðið samkomustaður unglinga og mögulegt neyslurými fyrir fíkla með tilheyrandi ónæði og jafnvel öryggismissi íbúa. 7. Álag á þegar veika innviði: Skólar, leikskólar, umferðarmannvirki og aðrir innviðir munu eiga erfitt með að taka á móti fjölgun íbúa, barna og bifreiða sem þeim fylgja. Nú þegar eru leikskólar yfirfullir, frístundaheimili geta ekki tekið inn 7-8 ára börn og íbúar sitja löngum stundum fastir í umferð eftir að Gufuneshverfið byggðist upp. 8. Aukning umferðar og mengunar: Aukning umferðar mun leiða til meiri mengunar og skertari lífsgæða íbúa. 9. Öryggi barna: Aðþrengd og stóraukin umferð við eina af helstu gönguleiðum barna í Rimaskóla vekur áhyggjur um öryggi þeirra, sérstaklega á snjóþungum vetrum þegar gatan verður einbreið og göngustígar ekki ruddir. Þá hafa börnin neyðst til þess að ganga á götunni á leið sinni til skóla. 10. Lítil vitneskja íbúa um framkvæmdir: Kynningarferli Reykjavíkurborgar var ófullnægjandi og vita mjög fáir íbúar hvað er í vændum (sjá umsagnir í skipulagsgátt).
Borgarstjórn Sveitarstjórnarmál Húsnæðismál Reykjavík Bítið Skipulag Tengdar fréttir Vilja Grafarvogsbúar þéttingu meirihlutans í Reykjavík? Meirihlutinn í Reykjavíkurborg hefur kynnt áform um þéttingu byggðar í Grafarvogi. Áformin fela í sér að 500 íbúðir muni rísa þar á næstu árum, en fyrirvari er þó gerður um íbúasamráð og athugasemdir frá nærumhverfi. Fjölmargir íbúar Grafarvogs hafa lýst miklum áhyggjum af þessum áformum og hafa hrundið af stað undirskriftasöfnun. 7. október 2024 08:01 Mest lesið Ótrúlegur árekstur: „Ég sá bara dekk og púströr“ Innlent Trump-liðar heita hefndum Erlent Ríkið situr á þúsundum hektara af framræstu votlendi Innlent Yfirlæknir gagnrýnir auglýsingu gegn lyfi við RS-veiru Innlent Skýrt að Ísland sé ekki griðastaður stríðsglæpamanna Innlent Sagði frá fyrirætlunum sínum í SMS-i fyrir morðið Erlent „Ég mun ekki sjá eftir honum“ Innlent Vonar að fólk taki ekki mark á auglýsingum þar sem farið er með rangindi Innlent Trump höfðar 15 milljarða dala mál gegn New York Times Erlent Frumvarp um afnám laga um orlof húsmæðra lagt fram í tíunda sinn Innlent Fleiri fréttir Stöðugildum á vegum ríkisins fjölgaði um rúm 500 á síðasta ári Eldgos geti hafist hvenær sem er Rændi bíl í Veiðivötnum og ók undir áhrifum af vettvangi Vonar að fólk taki ekki mark á auglýsingum þar sem farið er með rangindi Ótrúlegur árekstur: „Ég sá bara dekk og púströr“ Merki um að gjá í samfélaginu sé að stækka Skýrt að Ísland sé ekki griðastaður stríðsglæpamanna Stjórnvöld ætli að hafa yfirhöndina gagnvart skipulögðum glæpahópum Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels Lokun Sorpu á Dalvegi enn frestað Munu áfram stýra fastanefndunum Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Sjá meira
Vilja Grafarvogsbúar þéttingu meirihlutans í Reykjavík? Meirihlutinn í Reykjavíkurborg hefur kynnt áform um þéttingu byggðar í Grafarvogi. Áformin fela í sér að 500 íbúðir muni rísa þar á næstu árum, en fyrirvari er þó gerður um íbúasamráð og athugasemdir frá nærumhverfi. Fjölmargir íbúar Grafarvogs hafa lýst miklum áhyggjum af þessum áformum og hafa hrundið af stað undirskriftasöfnun. 7. október 2024 08:01
Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels