Skýrist á mánudag hvort læknar fari í verkfall Lovísa Arnardóttir skrifar 10. október 2024 17:24 Mikael Smári Mikaelsson yfirlæknir á bráðamóttöku er formaður samninganefndar Læknafélags Íslands. Samsett Næsta mánudag liggur fyrir hvort læknar muni grípa til aðgerða í kjaraviðræðum sínum. Læknar hafa verið samningslausnir frá mars og í viðræðum frá því um áramót. Samninganefndir funda næsta mánudag og telur félagið að eftir þann fund muni skýrast hvort samningar náist eða hvort félagið muni grípa til aðgerða. Í pósti til félagsmanna, sem fréttastofa hefur undir höndum og var sendur í gær, kemur fram að frá 20. september hafi verið stöðugar viðræður í gangi varðandi styttingu vinnuvikunnar sem sé ein af helstu kröfum samninganefnarinnar. Læknar séu, auk lyfjafræðinga, eina stétt heilbrigðisstarfsfólks sem ekki hafi náð henni fram. Í póstinum kemur fram að undirhópur samninganefndar vinni að því að búa til líkan sem gerir samninganefnd betur kleift að átta sig á áhrifum hennar á vinnutíma og laun. „Forsenda styttingar vinnuvikunnar er að enginn lækki í launum vegna innleiðingar hennar, sem er sama forsenda og gefin var við styttinguna hjá öllum öðrum stéttum sem hana hafa þegar fengið,“ segir í póstinum. Líkan um styttinguna skoðað í gær Þá kemur fram að í gær hafi samninganefndir beggja aðila fundað og skoðað líkanið. „Ýmislegt bendir til að samningsaðilar séu í mörgu sammála um það með hvaða hætti vinnuvikan verði stytt þó ekki sé búið að ganga þar frá öllum nauðsynlegum endum,“ segir í póstinum. Þá kemur fram að á fundinum hafi samninganefnd lækna einnig farið yfir önnur atriði í kröfugerð lækna eins og að hækka grunnlaun lækna, fá greiðslur fyrir símtöl á gæsluvöktum og að viðurkennt verði að vinna á gæsluvöktum án þess að til útkalls komi sé virk vinna. Þá telur samninganefndin nauðsynlegt að minnka óhóflega vinnu lækna og tryggja læknum greiðslur þegar ekki reynist unnt að draga úr vinnuálaginu. Þá segir að á áhersluslita samninganefndar séu fleiri atriði eins og greiðsla fyrir vaktir sem þarf að taka með litlum fyrirvara. „Samninganefnd LÍ hefur lítil viðbrögð fengið frá samninganefnd ríkisins varðandi þessi áhersluatriði. Engin frekari viðbrögð við þeim komu fram á fundinum í morgun,“ segir enn fremur en að niðurstaða fundarins hafi þó verið sú að nefndirnar muni hittast aftur næsta mánudag, þann 14. október. Allur sá dagur verið notaður til að knýja fram afstöðu samninganefndar ríkisins gagnvart öðrum þeim atriðum sem samninganefnd LÍ vill ná fram. Samninganefndin ekki bjartsýn Á fundinum muni fást úr því skorið hvort þau komist að samkomulagi. Ípóstinum segir jafnframt að samninganefndin hafi áður sagt að hún sé ekki bjartsýn á að kjarasamningur með megin áhersluatriðum LÍ náist án aðgerða. Fundurinn á mánudaginn sé því, að mati samninganefndar LÍ, ákveðinn úrslitafundur hvað þetta varðar. „Samninganefnd LÍ telur að loknum þeim fundi muni endanlega skýrast hvert þessi kjaradeila LÍ og ríkisins sé að stefna, í átt að kjarasamningi eða í verkfallsaðgerðir til að knýja fram kröfur lækna,“ segir að lokum og að félagsmenn muni eftir fundinn fá fréttir af stöðunni. Verkfall ekki markmið en gæti komið til þess Rætt var við formann samninganefndar Læknafélagsins, Mikael Smári Mikaelsson, um kjaradeiluna í nýjasta tölublaði Læknablaðsins. Þar er haft eftir honum að það nálgist ögurstund í kjaraviðræðum. Þar sagði hann hug í læknum hvað varðar aðgerðir. Það væri á þeim mikið álag með tilheyrandi þreytu og kulnunareinkennum. Mannekla væri mikið áhyggjuefni. „Verkfall er ekki markmið í þessari kjaradeilu, en ef ekki næst fram það sem við teljum þurfa, þá kann að þurfa að koma til þess. Við vonum þó að okkur takist með ríkinu að lenda þessu farsællega, fyrst og fremst fyrir almenning, heilbrigðiskerfið og læknaþjónustuna í landinu,“ sagði Mikael Smári í samtali við Læknablaðið. Kjaramál Kjaraviðræður 2023-24 Heilbrigðismál Mest lesið „Það munaði minnstu að þeir dræpu mig“ Innlent Val Kilmer er látinn Lífið Bann gegn einkaþotum og þyrlum samþykkt Innlent „Er líf okkar ekki jafn mikils virði og þeirra í Reykjavík?“ Innlent Sjálfstæðisflokkurinn langstærstur Innlent Vaktin: Eldgos hafið nærri Grindavík Innlent Engin virkni á gossprungunni en glóð logar í hrauninu Innlent Skipað í nýja Grindavíkurnefnd Innlent Gosið í dag bara smá leki úr kvikuganginum Innlent „Haugalygi að ég hafi ógnað einhverjum með byssu“ Innlent Fleiri fréttir Réðust á og hótuðu starfsmönnum verslunar Engin virkni á gossprungunni en glóð logar í hrauninu Skipað í nýja Grindavíkurnefnd Sjálfstæðisflokkurinn langstærstur Bann gegn einkaþotum og þyrlum samþykkt Sækja um leyfi fyrir Kvíslatunguvirkjun Annasamur sólarhringur hjá björgunarsveit Patreksfjarðar Gosið í dag bara smá leki úr kvikuganginum „Það munaði minnstu að þeir dræpu mig“ „Er líf okkar ekki jafn mikils virði og þeirra í Reykjavík?“ Hafnar ásökunum um byssuat og uppgefnir íbúar undir Steinafjalli „Haugalygi að ég hafi ógnað einhverjum með byssu“ Fordæmir atvikið í Grindavík Fara fram á að Mangione fái dauðarefsinguna Ekið á gangandi vegfaranda Beindi byssunni yfir höfuð björgunarsveitarmanns Neituðu að rýma: „Við viljum fá að vera í friði“ „Þessi staður er ákaflega óheppilegur“ Beita öllum brögðum til að minnka tjón ef hraunið nær bænum Grindvíkingur ógnaði björgunarsveitarfólki með skotvopni „Minni kraftur í þessu samanborið við fyrri gos“ Myndir: Eldgos ógnar Grindavík Snýst allt um að tryggja öryggi fólks Gos við bæjarmörkin: Aukafréttatími í hádeginu Ein af dekkstu sviðsmyndunum að raungerast Björgunarsveitarfólki ógnað við rýmingu Eldgosið séð úr lofti Vonast til að hefja störf í Grindavík strax á morgun Sterkari merki en fyrir síðustu eldgos Bein útsending: Ræða skýrslu fjármálastöðugleikanefndar Sjá meira
Í pósti til félagsmanna, sem fréttastofa hefur undir höndum og var sendur í gær, kemur fram að frá 20. september hafi verið stöðugar viðræður í gangi varðandi styttingu vinnuvikunnar sem sé ein af helstu kröfum samninganefnarinnar. Læknar séu, auk lyfjafræðinga, eina stétt heilbrigðisstarfsfólks sem ekki hafi náð henni fram. Í póstinum kemur fram að undirhópur samninganefndar vinni að því að búa til líkan sem gerir samninganefnd betur kleift að átta sig á áhrifum hennar á vinnutíma og laun. „Forsenda styttingar vinnuvikunnar er að enginn lækki í launum vegna innleiðingar hennar, sem er sama forsenda og gefin var við styttinguna hjá öllum öðrum stéttum sem hana hafa þegar fengið,“ segir í póstinum. Líkan um styttinguna skoðað í gær Þá kemur fram að í gær hafi samninganefndir beggja aðila fundað og skoðað líkanið. „Ýmislegt bendir til að samningsaðilar séu í mörgu sammála um það með hvaða hætti vinnuvikan verði stytt þó ekki sé búið að ganga þar frá öllum nauðsynlegum endum,“ segir í póstinum. Þá kemur fram að á fundinum hafi samninganefnd lækna einnig farið yfir önnur atriði í kröfugerð lækna eins og að hækka grunnlaun lækna, fá greiðslur fyrir símtöl á gæsluvöktum og að viðurkennt verði að vinna á gæsluvöktum án þess að til útkalls komi sé virk vinna. Þá telur samninganefndin nauðsynlegt að minnka óhóflega vinnu lækna og tryggja læknum greiðslur þegar ekki reynist unnt að draga úr vinnuálaginu. Þá segir að á áhersluslita samninganefndar séu fleiri atriði eins og greiðsla fyrir vaktir sem þarf að taka með litlum fyrirvara. „Samninganefnd LÍ hefur lítil viðbrögð fengið frá samninganefnd ríkisins varðandi þessi áhersluatriði. Engin frekari viðbrögð við þeim komu fram á fundinum í morgun,“ segir enn fremur en að niðurstaða fundarins hafi þó verið sú að nefndirnar muni hittast aftur næsta mánudag, þann 14. október. Allur sá dagur verið notaður til að knýja fram afstöðu samninganefndar ríkisins gagnvart öðrum þeim atriðum sem samninganefnd LÍ vill ná fram. Samninganefndin ekki bjartsýn Á fundinum muni fást úr því skorið hvort þau komist að samkomulagi. Ípóstinum segir jafnframt að samninganefndin hafi áður sagt að hún sé ekki bjartsýn á að kjarasamningur með megin áhersluatriðum LÍ náist án aðgerða. Fundurinn á mánudaginn sé því, að mati samninganefndar LÍ, ákveðinn úrslitafundur hvað þetta varðar. „Samninganefnd LÍ telur að loknum þeim fundi muni endanlega skýrast hvert þessi kjaradeila LÍ og ríkisins sé að stefna, í átt að kjarasamningi eða í verkfallsaðgerðir til að knýja fram kröfur lækna,“ segir að lokum og að félagsmenn muni eftir fundinn fá fréttir af stöðunni. Verkfall ekki markmið en gæti komið til þess Rætt var við formann samninganefndar Læknafélagsins, Mikael Smári Mikaelsson, um kjaradeiluna í nýjasta tölublaði Læknablaðsins. Þar er haft eftir honum að það nálgist ögurstund í kjaraviðræðum. Þar sagði hann hug í læknum hvað varðar aðgerðir. Það væri á þeim mikið álag með tilheyrandi þreytu og kulnunareinkennum. Mannekla væri mikið áhyggjuefni. „Verkfall er ekki markmið í þessari kjaradeilu, en ef ekki næst fram það sem við teljum þurfa, þá kann að þurfa að koma til þess. Við vonum þó að okkur takist með ríkinu að lenda þessu farsællega, fyrst og fremst fyrir almenning, heilbrigðiskerfið og læknaþjónustuna í landinu,“ sagði Mikael Smári í samtali við Læknablaðið.
Kjaramál Kjaraviðræður 2023-24 Heilbrigðismál Mest lesið „Það munaði minnstu að þeir dræpu mig“ Innlent Val Kilmer er látinn Lífið Bann gegn einkaþotum og þyrlum samþykkt Innlent „Er líf okkar ekki jafn mikils virði og þeirra í Reykjavík?“ Innlent Sjálfstæðisflokkurinn langstærstur Innlent Vaktin: Eldgos hafið nærri Grindavík Innlent Engin virkni á gossprungunni en glóð logar í hrauninu Innlent Skipað í nýja Grindavíkurnefnd Innlent Gosið í dag bara smá leki úr kvikuganginum Innlent „Haugalygi að ég hafi ógnað einhverjum með byssu“ Innlent Fleiri fréttir Réðust á og hótuðu starfsmönnum verslunar Engin virkni á gossprungunni en glóð logar í hrauninu Skipað í nýja Grindavíkurnefnd Sjálfstæðisflokkurinn langstærstur Bann gegn einkaþotum og þyrlum samþykkt Sækja um leyfi fyrir Kvíslatunguvirkjun Annasamur sólarhringur hjá björgunarsveit Patreksfjarðar Gosið í dag bara smá leki úr kvikuganginum „Það munaði minnstu að þeir dræpu mig“ „Er líf okkar ekki jafn mikils virði og þeirra í Reykjavík?“ Hafnar ásökunum um byssuat og uppgefnir íbúar undir Steinafjalli „Haugalygi að ég hafi ógnað einhverjum með byssu“ Fordæmir atvikið í Grindavík Fara fram á að Mangione fái dauðarefsinguna Ekið á gangandi vegfaranda Beindi byssunni yfir höfuð björgunarsveitarmanns Neituðu að rýma: „Við viljum fá að vera í friði“ „Þessi staður er ákaflega óheppilegur“ Beita öllum brögðum til að minnka tjón ef hraunið nær bænum Grindvíkingur ógnaði björgunarsveitarfólki með skotvopni „Minni kraftur í þessu samanborið við fyrri gos“ Myndir: Eldgos ógnar Grindavík Snýst allt um að tryggja öryggi fólks Gos við bæjarmörkin: Aukafréttatími í hádeginu Ein af dekkstu sviðsmyndunum að raungerast Björgunarsveitarfólki ógnað við rýmingu Eldgosið séð úr lofti Vonast til að hefja störf í Grindavík strax á morgun Sterkari merki en fyrir síðustu eldgos Bein útsending: Ræða skýrslu fjármálastöðugleikanefndar Sjá meira