Skot­vopna­leyfi aftur­kallað og byssa gerð upp­tæk

„Það var verið að afturkalla skotvopnaleyfi hjá aðila í þessari íbúð, hann brást illa við og það kallaði á þetta viðbragð,“ segir Sævar Guðmundsson, aðalvarðstjóri lögreglunnar í Hafnarfirði.

Maðurinn hafi ekki lengur uppfyllt skilyrði til að hafa skotvopnaleyfi. Leyfið hafi verið afturkallað, og við slíka framkvæmd séu byssur gerðar upptækar.

Hann segir að maðurinn hafi ekki verið ógnandi, en hann hafi verið ósamvinnuþýður og hafi skellt hurðinni á lögreglu.

„Þetta endaði vel en af því hann brást svona við þá var viðbragðið svona,“ segir Sævar.