Tíu drengja hópur réðst á tvo jafn­aldra

Ráðist var á annan drenginn í tvígang og var tekinn af honum fatnaður og önnur verðmæti.

Ásgeir Þór Ásgeirsson aðstoðaryfirlögregluþjónn hjá lögreglunni á höfuðborgarsvæðinu segir árásirnar hafa átt sér stað á tímabilinu frá klukkan sex og til hálf níu. 

Myndbönd nýtast við rannsókn málsins

Rannsókn málsins er á byrjunarstigi en er unnin í samvinnu við barnavernd og skólayfirvöld. Ásgeir Þór segir óljóst hvort drengirnir sem frömdu árásina séu orðnir sakhæfir. Þá sé margt sem bendi til þess að myndbönd og önnur gögn geti rennt stoðum undir rannsókn málsins.

Ásgeir hafði ekki upplýsingar um líðan þeirra sem urðu fyrir árásinni en gerði ekki ráð fyrir að þeir væru alvarlega slasaðir.