Ofbauð verðið á kökusneiðum og kjötsúpu í Perlunni Margrét Björk Jónsdóttir skrifar 5. október 2023 10:44 Nokkrar tegundir af tertum eru í boði á kaffihúsi Perlunnar. Sama verð er á þeim öllum, 2.490 krónur. Viðskiptavinur Perlunnar segir verðlagningu á veitingum kaffihússins ósvífna. Tertusneið kostar 2.490 krónur og belgísk vaffla 2.790 krónur. Þá hafa nokkrir klórað sér í höfðinu yfir næstum fimm þúsund króna skammti af kjötsúpu, sem veitingastjóri staðarins segir sjálfur að sé okur. Á dögunum birti Óli Geir Jóhannesson færslu á Facebook hópnum „Vertu á verði – eftirlit með verðlagi.“ Óli birti mynd af köku, svampbotnatertu með jarðaberjarjóma. Sneiðin kostar 2.490 krónur en sama verð er á öllum tertusneiðum. Óli segist hafa orðið vitni af hópi ferðamanna sem hafi ætlað að fá sér veitingar á kaffihúsinu í Perlunni. Þeir hafi snarlega hætt við þegar þeir litu á verðmiðann á kræsingunum. Í samtali við fréttastofu segir Óli Geir að honum hafi ofboðið verðlagningin. „Mér ofbauð í fyrsta lagi að það sé verið að láta fólk borga sig inn í Perluna, þrátt fyrir að það sé að fara á kaffihús. Og verðið á veitingunum þarna, þetta er eins og heil máltíð á ódýrum veitingastað.“ Óli var staddur í Perlunni með hópi fólks sem hafði ætlað að fá sér veitingar og njóta útsýnisins. Þau hættu snarlega við þegar þau sáu verðið og fengu sér uppáhellt kaffi sem hann segir einnig hafa verið rándýrt. Þá hafi hann séð ferðamenn sem „kipptust við“ þegar þeir sáu verðið á veitingunum og hrökkluðust aftur út. Óli, sem sjálfur er bakari, segist gruna að terturnar séu ekki bakaðar á staðnum heldur séu fluttar frosnar til landsins. Perlan í Reykjavík er vinsæll ferðamannastaður. Vísir/Vilhelm Fréttastofa ræddi við Ármann Helgason, veitingastjóra Perlunnar sem þvertekur fyrir það að terturnar séu innfluttar. „Þær eru sérgerðar fyrir okkur, hann Örvar sem er með Nýja kökuhúsið bakar þær daglega. Með þessari kökusneið áttu að fá stóra ískúlu, vel af rjóma, og góða sneið sem er nærri 300 grömm, þetta er vel fyllandi kökusneið,“ segir Ármann. Blöskraði einnig verðið á kjötsúpu Óli gerði verðlagninu á kjötsúpu staðarins einnig að umtalsefni. Skammturinn af súpunni kostar 4.500 krónur. „Við erum að tala um svona fimmtíu grömm af kjöti, heitt vatn og grænmeti. Þetta er bara ósvífið,“ segir Óli. Ármann tekur undir þetta. Þetta er bara túristaverð. Því miður, þetta verð á kjötsúpunni, þetta er okur, ég er sammála því. Aðspurður um hvort Íslendingar fái betra verð segir Ármann að boðið sé upp á vildarkort sem gefi tíu prósent afslátt. Þá sé aðstæðan í Perlunni sérlega góð og útsýnið betra en á flestum öðrum stöðum. Fiskur og franskar fyrir fimm þúsund Þetta er ekki í fyrsta sinn sem verðlagning á kaffihúsi og veitingastað Perlunnar er til umræðu í umræddum Facebook hóp. Í ágúst birti Anna Sigríður Einarsdóttir mynd af kvittun fyrir þremur kaffibollum og þremur kökusneiðum. Eins og sjá má greiddi hún tæplega tíu þúsund krónur fyrir herlegheitin. Eins og sjá má greiddi Anna tæplega tíu þúsund krónur fyrir þrjá kaffibolla og þrjár tertusneiðar. Facebook/ Anna Sigríður Einarsdóttir Undir færsluna sköpuðust miklar umræður og margir voru afar hneykslaðir á verðlaginu. Einnig hefur verðið á fiskmeti staðarins verið til umræðu, en skammturinn af plokkfisk kostar 4.650 krónur og fiskur og franskar 4.950 krónur. „Þetta er góður skammtur af fiski, ekki bara frosinn fiskur og ljótar kartöflur,“ segir Ármann. Aðspurður um hvernig reksturinn gangi segir hann að nú sé að hægjast á. „Slow season er að koma inn í veitingarekstur yfir höfuð. Við erum að fara að endurskoða allt fyrir komandi tíma, nóvember og desember.“ Matseðillinn á kaffihúsi Perlunnar.Perlan Verðlag Veitingastaðir Reykjavík Ferðamennska á Íslandi Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Samið um lok umfangsmikils verkfalls hafnarverkamanna Viðskipti erlent „En það hefur líka margt fallegt komið út úr þessu“ Atvinnulíf Vaxtalækkun hænuskref í rétta átt en ekki megi gleyma nýlegum hækkunum Neytendur Fleiri fréttir Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira
Á dögunum birti Óli Geir Jóhannesson færslu á Facebook hópnum „Vertu á verði – eftirlit með verðlagi.“ Óli birti mynd af köku, svampbotnatertu með jarðaberjarjóma. Sneiðin kostar 2.490 krónur en sama verð er á öllum tertusneiðum. Óli segist hafa orðið vitni af hópi ferðamanna sem hafi ætlað að fá sér veitingar á kaffihúsinu í Perlunni. Þeir hafi snarlega hætt við þegar þeir litu á verðmiðann á kræsingunum. Í samtali við fréttastofu segir Óli Geir að honum hafi ofboðið verðlagningin. „Mér ofbauð í fyrsta lagi að það sé verið að láta fólk borga sig inn í Perluna, þrátt fyrir að það sé að fara á kaffihús. Og verðið á veitingunum þarna, þetta er eins og heil máltíð á ódýrum veitingastað.“ Óli var staddur í Perlunni með hópi fólks sem hafði ætlað að fá sér veitingar og njóta útsýnisins. Þau hættu snarlega við þegar þau sáu verðið og fengu sér uppáhellt kaffi sem hann segir einnig hafa verið rándýrt. Þá hafi hann séð ferðamenn sem „kipptust við“ þegar þeir sáu verðið á veitingunum og hrökkluðust aftur út. Óli, sem sjálfur er bakari, segist gruna að terturnar séu ekki bakaðar á staðnum heldur séu fluttar frosnar til landsins. Perlan í Reykjavík er vinsæll ferðamannastaður. Vísir/Vilhelm Fréttastofa ræddi við Ármann Helgason, veitingastjóra Perlunnar sem þvertekur fyrir það að terturnar séu innfluttar. „Þær eru sérgerðar fyrir okkur, hann Örvar sem er með Nýja kökuhúsið bakar þær daglega. Með þessari kökusneið áttu að fá stóra ískúlu, vel af rjóma, og góða sneið sem er nærri 300 grömm, þetta er vel fyllandi kökusneið,“ segir Ármann. Blöskraði einnig verðið á kjötsúpu Óli gerði verðlagninu á kjötsúpu staðarins einnig að umtalsefni. Skammturinn af súpunni kostar 4.500 krónur. „Við erum að tala um svona fimmtíu grömm af kjöti, heitt vatn og grænmeti. Þetta er bara ósvífið,“ segir Óli. Ármann tekur undir þetta. Þetta er bara túristaverð. Því miður, þetta verð á kjötsúpunni, þetta er okur, ég er sammála því. Aðspurður um hvort Íslendingar fái betra verð segir Ármann að boðið sé upp á vildarkort sem gefi tíu prósent afslátt. Þá sé aðstæðan í Perlunni sérlega góð og útsýnið betra en á flestum öðrum stöðum. Fiskur og franskar fyrir fimm þúsund Þetta er ekki í fyrsta sinn sem verðlagning á kaffihúsi og veitingastað Perlunnar er til umræðu í umræddum Facebook hóp. Í ágúst birti Anna Sigríður Einarsdóttir mynd af kvittun fyrir þremur kaffibollum og þremur kökusneiðum. Eins og sjá má greiddi hún tæplega tíu þúsund krónur fyrir herlegheitin. Eins og sjá má greiddi Anna tæplega tíu þúsund krónur fyrir þrjá kaffibolla og þrjár tertusneiðar. Facebook/ Anna Sigríður Einarsdóttir Undir færsluna sköpuðust miklar umræður og margir voru afar hneykslaðir á verðlaginu. Einnig hefur verðið á fiskmeti staðarins verið til umræðu, en skammturinn af plokkfisk kostar 4.650 krónur og fiskur og franskar 4.950 krónur. „Þetta er góður skammtur af fiski, ekki bara frosinn fiskur og ljótar kartöflur,“ segir Ármann. Aðspurður um hvernig reksturinn gangi segir hann að nú sé að hægjast á. „Slow season er að koma inn í veitingarekstur yfir höfuð. Við erum að fara að endurskoða allt fyrir komandi tíma, nóvember og desember.“ Matseðillinn á kaffihúsi Perlunnar.Perlan
Verðlag Veitingastaðir Reykjavík Ferðamennska á Íslandi Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Samið um lok umfangsmikils verkfalls hafnarverkamanna Viðskipti erlent „En það hefur líka margt fallegt komið út úr þessu“ Atvinnulíf Vaxtalækkun hænuskref í rétta átt en ekki megi gleyma nýlegum hækkunum Neytendur Fleiri fréttir Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira