Innlent

Fylgi Sjálf­­­­stæðis­­­­flokksins eykst en Sam­­fylkingin dalar

Sólrún Dögg Jósefsdóttir skrifar
Fylgi Samfylkingar í ágúst var yfir 26 prósent meðan Sjálfstæðisflokkurinn nam tæpum átján prósentum. 
Fylgi Samfylkingar í ágúst var yfir 26 prósent meðan Sjálfstæðisflokkurinn nam tæpum átján prósentum.  Vísir/Vilhelm

Fylgi Sjálfstæðisflokks og Viðreisnar eykst nokkuð á milli mánaða samkvæmt nýrri könnun Maskínu en Samfylkingin sem hefur verið á mikilli siglingu dalar lítillega.

Sjálfstæðisflokkurinn mælist nú með tæplega tuttugu prósent og Viðreisn í kringum tólf - en hefur flokkurinn ekki mælst stærri í nokkurn tíma. 

Fylgi Samfylkingar dregst saman niður í rúm tuttugu og fjögur prósent og Píratar fara niður í tæp ellefu prósent. 

Framsókn stendur í stað með níu prósent en fylgi Vinstri Grænna og Flokks fólksins er hnífjafnt í sex og hálfri prósentu. Þá mælist Miðflokkurinn með sjö prósent og Sósíalistar með um fimm.

Fylgi stjórnmálaflokkanna milli mánaða. Stöð 2

Í niðurstöðum úr könnun Maskínu kemur einnig fram að fylgi ríkisstjórnaflokka væri 34,9 prósent en fylgi stjórnarandstöðuflokka næmi 65,1 prósenti. 

Skoðanakannanir Alþingi Sjálfstæðisflokkurinn Samfylkingin

Tengdar fréttir

Mest lesið


Fleiri fréttir

Sjá meira


×

Mest lesið