Undir lög­aldri á skemmti­­stað í mið­­borg og Kópa­vogi

Of margir gestir voru á skemmtistað í miðborg Reykjavíkur í nótt, auk þess sem þar var að finna fólk undir lögaldri. Það sama átti við um skemmtistað í Kópavogi. Það kemur fram í dagbók lögreglunnar.

Lögreglan sinnti einnig fjölda annarra verkefna. Sem dæmi var tilkynnt um rafskútuslys í miðborginni og í Breiðholti.

Þá var tilkynnt um þjófnað í sameign í hverfi 105 og innbrot í skóla Grafarvogi. Lögreglan stöðvaði nokkra ökumann víðs vegar um borgina vegna gruns um akstur undir áhrifum og sinnti einnig öðrum verkefnum sem tengdust ölvun.

Strætóbílstjóri óskaði sem dæmi eftir aðstoð vegna einstaklings sem svaf ölvunarsvefni í vagninum hans en bílstjóranum tókst ekki að vekja hann. Lögreglumenn náðu að vekja einstaklinginn sem hélt kjölfarið sína leið.