Gert ráð fyrir aukinni gjald­töku af raf­bílum

Í nýju fjár­laga­frum­varpi sem kynnt var í morgun kemur fram að nýju heildar­kerfi fyrir skatt­lagningu á öku­tæki og elds­neyti sé ætlað að auka tekjur ríkis­sjóðs um 7,5 milljarða árið 2024. Tekjur ríkis­sjóðs af þeirri skatt­lagningu hafi rýrnað mikið á undan­förnum árum sam­hliða breytingum á bíla­flota lands­manna.

Komið verði á nýju, ein­földu og sann­gjarnara kerfi um ára­mótin þar sem greiðslur bíla­eig­enda verði í auknum mæli tengdar notkun þeirra á vega­kerfinu auk þess sem lág­mark bif­reiða­gjalds verður hækkað. Á­ætlað er að tekjur af öku­tækjum og elds­neyti verði 63,3 milljarðar króna.

Nýja tekju­öflunar­kerfið verður inn­leitt í tveimur á­föngum. Í fyrri á­fanga verður um að ræða kíló­metra­gjald vegna notkunar hrein­orku­bíla á vega­kerfinu og í þeim síðari vegna bíla sem ganga fyrir jarð­efna­elds­neyti.

Aug­ljóst að allir þurfi að greiða fyrir notkun

„Við sjáum fyrir okkur að raf­bílar muni í auknum mæli taka þátt í því að greiða fyrir notkun á vega­kerfinu. Það hafa verið í gildi mjög miklar í­vilnanir fyrir um­hverfis­væna bíla og við höfum séð orku­skiptin eiga sér stað, sér­stak­lega fyrir heimilin í landinu og mörg fyrir­tæki,“ segir Bjarni Bene­dikts­son, fjár­mála­ráð­herra.

„Við viljum auð­vitað sjá þessa þróun á­fram en heildar tekjur ríkisins af öku­tækjum og um­ferð hafa gefið of mikið eftir. Þessar í­vilnanir voru skyn­sam­legar til þess að fá breytinguna af stað en aug­ljóst er að þegar upp er staðið þá verða allir að greiða fyrir þátt­töku eða fyrir notkun á vega­kerfinu og við erum að stíga á­kveðin skref á næsta ári þar sem raf­bílar munu fara að greiða fyrir notkun á vega­kerfinu.“

Er komin ein­hver tala þar?

„Ég get bara sagt að það verður á­fram mun hag­kvæmara að eiga og reka raf­magns­bíl.“