Fótbolti

Allt í hnút í fallbaráttunni fyrir lokaumferðina

Hjörvar Ólafsson skrifar
Hannah Jane Cade var öryggið uppmálað á vítapunktinum.
Hannah Jane Cade var öryggið uppmálað á vítapunktinum. Vísir/Hulda Margrét

Tindastóll bar sigurorð af Selfossi í næstsíðustu umferð í keppni liðanna í neðri hluta Bestu deildar kvenna í fótbolta á Jáverk-vellinum í dag. Tindastóll mun heyja harða og æsispennandi baráttu um að forðast fall úr deildinni í lokaumferð deildarinnar. 

Melissa Alison Garcia kom Tindastól yfir eftir tæplega 20 mínútna leik en Guðrún Þóra Geirsdóttir jafnaði metin fyrir Selfoss, sem er nú þegar fallið úr deildinni, skömmu fyrir lok fyrri hálfleiks. 

Það var svo Hannah Jane Cade sem sá til þess að Stólar fara með gríðarlega mikilvæg þrjú stig norður yfir heiðar með marki sínu úr vítaspurnu þegar um það bil 10 mínútur voru eftir af leiknum. 

Tindastóll hefur 23 stig eftir þennan sigur en ÍBV og Keflavík eru þar fyrir neðan með 21 stig hvort lið. 

Í lokaumferðinni fær Tindastóll svo ÍBV í heimsókn og Keflavík og Selfoss leiða saman hesta sína suður með sjó. 

Besta deild kvenna Íslenski boltinn Tindastóll

Mest lesið


Fleiri fréttir

Sjá meira


×

Mest lesið