Nafngreina fréttaþulinn sem borgaði táningi fyrir nektarmyndir

Greint var frá því fyrr í vikunni að ónafngreindur en vel þekktur sjónvarpsmaður hjá Breska ríkisútvarpinu (BBC) væri sakaður um hið fyrrnefnda. 

Móðir umræddrar ungar konu, sem er nú tuttugu ára, sagði blaðamönnum The Sun, í grein sem birt var um helgina, að skjáskot væri til af viðkomandi fréttamanni, sem var þá ekki nafngreindur, á nærfötunum þar sem hann átti í myndbandssamtali við táninginn. Maðurinn er sagður hafa greitt konunni meira en 35 þúsund pund fyrir myndir og myndbönd og hófust greiðslurnar þegar konan var sautján ára.

Eiginkona Edwards, Vicky Flindt greindi frá því í yfirlýsingu síðdegis að Edwards stæði frammi fyrir þessum ásökunum. Í yfirlýsingu segir hún eiginmann sinn þjást af alvarlegum geðvandamálum og hafi notið meðferðar við þunglyndi síðustu ár. 

Segir hún að Edwards hafi verið vistaður á geðdeild eftir að málið kom upp en honum hafi versnað síðustu daga. Hann muni svara fyrir ásakanirnar þegar honum hefur batnað.