Neytendur

Costco opnar á sölu á­fengis til ein­stak­linga

Kolbeinn Tumi Daðason skrifar
Costco er staðsett í Kauptúni í Garðabæ.
Costco er staðsett í Kauptúni í Garðabæ. Vísir/Hanna

Verslunarrisinn Costco er kominn í samkeppni við Vínbúðina og netverslanir í sölu á áfengi á netinu. Einstaklingar geta nú pantað áfengi á vefsíðu Costco og sótt í verslunina í Kauptúni.

Fram kemur á heimasíðu Costco á Íslandi að meðlimir geti nú keypt áfengi með því að stofna aðgang á netingu. Hægt sé að sækja allar vörur samdægurs. Aldurstakmark er tuttugu ár.

Til þessa hefur Costco aðeins selt áfengi til heildsala.

Fréttastofa gerði lauslegan verðsamanburð á nokkrum vörum hjá Costco og Vínbúðinni. 

Einn lítri af Jack Daniels viský kostar 10 þúsund krónur hjá Costco en rúmar 12 þúsund krónur í Vínbúðinni. Minni munur er á Beefeater gini sem kostar 9400 krónur hjá Costco en 10 þúsund krónur í Vínbúðinni. Perroni bjór, 330 millilítra í flösku, kostar 321 krónur hjá Costco en 399 krónur hjá Vínbúðinni. Þá kostar Tommassi Ripasso rauðvín 3200 krónur í Costco en 3700 krónur í Vínbúðinni.

Áfengi og tóbak Costco Verslun Garðabær Netverslun með áfengi


Mest lesið


Fleiri fréttir

Sjá meira


×

Mest lesið