Macron staðfestir komu á leiðtogafundinn í Reykjavík

Macron staðfestir þetta við franska miðilinn Dernieres Nouvelles d'Alsace.

Mikill viðbúnaður lögreglu verður í höfuðborginni í maí vegna fundarins en ásamt Macron hefur meirihluti þeirra 46 þjóðarleiðtoga sem boðið hefur verið á fundinn staðfest komu sína.

„Þetta er umfangsmesti og stærsti leiðtogafundur sem við höfum nokkurn tíma ráðist í. Enda er hér um að ræða 46 leiðtoga 46 aðildarríkja Evrópuráðsins plús háttsetta fulltrúa Evrópusambandsins og háttsetta embættismenn Evrópuráðsins sjálfs,“ sagði Rósa Björk Brynjólfsdóttir í samtali við fréttastofu í mars.

Fundurinn fer fram dagana 16. - 17 maí og verða málefni Úkraínu aðalefni fundarins.