Þrír fluttir með sjúkra­flugi til Reykjavíkur eftir á­rekstur á Hóla­vegi

Tilkynning lögreglunnar á Norðurlandi vestra

Umferðarslys varð upp úr kl.16.00 í dag á Hólavegi í Hjaltadal. Þar skullu saman tvær bifreiðar sem að komu úr gagnstæðum áttum. Aðstæður á vettvangi voru ekki góðar, snjór og hálka. Töluverður viðbúnaður var vegna slyssins en í annarri bifreiðinni voru tveir aðilar en einn í hinni bifreiðinni. Hólavegur hefur verið lokaður vegna rannsóknar á vettvangi en er við það að opnast. Aðilarnir í slysinu voru fluttir með sjúkrabifreiðum á Sauðárkrók og þaðan með sjúkraflugi til Reykjavíkur. Ekki er vitað nákvæmlega með meiðsl fólksins en þau eru samt sem áður ekki talin lífshættuleg.