Samfylkingin rifti leigusamningi vegna ónothæfs eldhúss Auður Ösp Guðmundsdóttir skrifar 1. desember 2022 11:52 Hörður Oddfríðarson var formaður Fulltrúaráðs Samfylkingarinnar þegar málið kom upp. Sigfús Ómar Höskuldsson er formaður ráðsins í dag. Héraðsdómur Reykjavíkur hefur dæmt Fulltrúaráð Samfylkingarinnar til að greiða Sjónveri ehf. gjaldfallna leigu fyrir einn mánuð en ekki sex eins og upprunalegur leigusamningur kvað á um. Fulltrúaráðið hafði gert tímabundinn leigusamning í mars 2021 vegna húsnæðis við Skipholt sem nýta átti sem kosningaskrifstofu. Ráðið rifti hins vegar samningnum átta dögum eftir afhendingu vegna forsendubrests. Ástæðan var ónothæft eldhús. Ágreiningurinn snerist um hvort Fulltrúaráðið væri skuldbundið samkvæmt leigusamningi að greiða Sjónveri vanngoldna leigu til sex mánaða. Forsaga málsins er sú að í lok mars 2021 tók Fulltrúaráðið á leigu 315 fermetra atvinnuhúsnæði að Skipholti í Reykjavík. Samkvæmt samningi var um að ræða tímabundna leigu frá 31. mars 2021 til 1. október sama ár. Leiguverðið var samkvæmt samningnum 600.000 krónur á mánuði og skyldi greiðast fyrsta hvers mánaðar, og þá var krafist 1.200.000 króna tryggingagreiðslu áður en húsnæðið yrði afhent. Leigusamningurinn var undirritaður og húsnæðið afhent 31. mars 2021.Fulltrúaráðið greiddi hins vegar ekki trygginguna né greiddi leigu á gjalddaga 1.apríl 2021 eða síðar, heldur lýsti yfir riftun samningsins 8 dögum eftir að húsnæðið var afhent. Forsenda að hægt væri að bjóða veitingar Fyrir dómi sagðist Fulltrúaráðið hafa verið að leita að leiguhúsnæði sem nýta átti sem kosningaskrifstofu fyrir komandi kosningar snemma árs 2021. Nýta hafi átt húsnæðið annars vegar undir vinnuaðstöðu fyrir starfsmenn, skrifstofur og úthringiver, og hins vegar til þess að hýsa fundi og samkomur vegna kosningabaráttunnar, þar sem boðið yrði upp á veitingar. Ráðið sagðist hafa verið að leita að auðu húsnæði þar sem áður hefði verið veitingarekstur og hafi forsenda leigunnar verið sú að unnt yrði að undirbúa og bjóða fram veitingar í húsnæðinu. Fulltrúaráðið hélt því fram að við skoðun á húsnæðinu þann 5.mars 2021 hafi verið rafmagnslaust og sérstaklega hafi verið dimmt í eldhúsi, en fullyrt hefði verið við skoðun að eldhúsið væri tilbúið til notkunarog að eldhúsaðstaðan væri fullnægjandi. Ráðið taldi því að þar væru nauðsynleg tæki og tól til veitingarekstrar og tók þá ákvörðun um að leigja húsnæðið undir kosningaskrifstofu sína. Fulltrúaráðið lýsti því fyrir dómnum að ljóst hefði verið við afhendingu á húsnæðinu að eldhúsaðstaða þess væri með öllu ófullnægjandi og í ósamræmi við yfirlýsingar af hálfu Sjónvers fyrir og við samningsgerðina. Forsendur að baki samningnum hafi því verið brostnar og ómögulegt að nýta húsnæðið undir kosningaskrifstofu. Leigusamningum hafi því verið rift með formlegum hætti og lyklum skilað þann 8. apríl 2021. Ráðið sagðist ekki hafa fengið nein viðbrögð við riftuninni, en henni var komið til Sjónvers þann 9. apríl 2021 fyrir milligöngu leigumiðlara. Sjónver hélt því hins vegar fram fyrir dómi að leiguhúsnæðið hefði verið afhent í umsömdu ástandi og í fullu samræmi við leigusamning. Skilyrði til riftunar af hálfu Fulltrúaráðsins hafi því ekki verið uppfyllt og riftun verið óheimil og ólögmæt. Fulltrúaráðið hélt því hins vegar fram að riftunin á leigusamningnum hefði verið réttmæt og nauðsynleg vegna verulegra vanefnda Sjónvers, sem hefðu falist í slæmu og raunar ónothæfu ástandi eldhúss fasteignarinnar. Samningur ekki talinn ósanngjarn Leigumiðlari sem bar vitni fyrir dómi sagðist hafa fengið þær upplýsingar að tilgangur Fulltrúaráðsins væri að leigja húsnæðið fyrir kosningaskrifstofu þar sem hægt væri í mesta lagi að bjóða súpu og kaffi. Legið hefði fyrir að húsnæðið þyrfti að þrífa og að eldhúsið væri í óviðunandi ástandi. Leigumiðlarinn kvaðst hafa upplýst um að ekki væri fyrir hendi aðstaða til að hita súpu og kaffi og fulltrúi Fulltrúaráðsins hefði sagt að Fulltrúaráðið tæki að sér að bæta þar úr. Í niðurstöðu dómsins kemur fram að Fulltrúaráðinu hefði mátt vera ljóst að við samningsgerð að úrbóta í eldhúsi var þörf og að Sjónver myndi ekki bæta þar úr. Dómurinn féllst ekki á það að samningurinn væri ósanngjarn eða að á honum væru annmarkar. Var það niðurstaða héraðsdóms að Fulltrúaráðið skyldi einungis greiða Sjónveri gjaldfallna leigu fyrir aprílmánuð 2021 ásamt dráttarvöxtum frá gjalddaga. Dómur Héraðsdóms í heild sinni. Dómsmál Samfylkingin Reykjavík Mest lesið „Við vitum að þessu er stjórnað af Áslaugu Örnu“ Innlent Lýsir ógnarástandi í bekk dóttur sinnar: „Ofbeldið er enn þá alvarlegra en fólk heldur“ Innlent Samúel Jói og Shamsudin-tvíburarnir á leið í steininn Innlent Jóhann Páll hækkar hreindýraveiðileyfi hressilega Innlent Missa herbergið eftir allt saman: „Með eindæmum lítilmannlegt“ Innlent Svekktar og reiðar yfir viðbrögðum veitingamannsins Innlent Vilja afnema sérréttindi opinberra starfsmanna Innlent Ók á fólk á götum München: Segja að um árás sé að ræða og 27 eru særðir Erlent Flugfélögum verði skylt að afhenda farþegalista Innlent Kristín til aðstoðar forsætisráðherra Innlent Fleiri fréttir „Þetta er beinlínis hryllingur“ Hildur H. Dungal nýr skrifstofustjóri hjá Ingu Sæland Segja fullreynt að ræða við Vegagerðina og biðla til ráðherra um aðgerðir Sláandi myndskeið af meintu dýraníði og einhleypir koma saman Handtekinn grunaður um líkamsárás eftir að vitni elti hann uppi „Við viljum bara keyra hlutina í gang“ Ólafur Reynir nýr starfsmaður þingflokks Framsóknar Vilja afnema sérréttindi opinberra starfsmanna Hætta áætlunarflugi til Húsavíkur í næsta mánuði Jóhann Páll hækkar hreindýraveiðileyfi hressilega Missa herbergið eftir allt saman: „Með eindæmum lítilmannlegt“ Kristín til aðstoðar forsætisráðherra Lagði hendur á lögreglumenn í landgangi Undanþágubeiðninni ekki hafnað Samúel Jói og Shamsudin-tvíburarnir á leið í steininn Ekkert sem bendi til þess að þetta ætti ekki að takast Borgaryfirvöld svara engu og Búseti ekki séð neinar breytingatillögur Flugfélögum verði skylt að afhenda farþegalista „Séra Jón stjórnmálaflokkanna og bara Jón almennings“ Meirihlutaviðræður enn í gangi Sigrún aðstoðar kryddpíurnar í borginni Lýsir ógnarástandi í bekk dóttur sinnar: „Ofbeldið er enn þá alvarlegra en fólk heldur“ Fundað um afmarkaðan þátt kjaradeilunnar Saksóknari hefði þurft að geta í eyðurnar Stöðvar framkvæmdir við Þorlákshöfn vegna kæru brimbrettafólks „Við vitum að þessu er stjórnað af Áslaugu Örnu“ Samgöngustofa hafnar beiðni Norlandair um undanþágu frá lokun Húsbrot, þjófnaðir og slagsmál Vill auka eftirlit með þungaflutningum Líklegast að gos hefjist í seinni hluta febrúar Sjá meira
Fulltrúaráðið hafði gert tímabundinn leigusamning í mars 2021 vegna húsnæðis við Skipholt sem nýta átti sem kosningaskrifstofu. Ráðið rifti hins vegar samningnum átta dögum eftir afhendingu vegna forsendubrests. Ástæðan var ónothæft eldhús. Ágreiningurinn snerist um hvort Fulltrúaráðið væri skuldbundið samkvæmt leigusamningi að greiða Sjónveri vanngoldna leigu til sex mánaða. Forsaga málsins er sú að í lok mars 2021 tók Fulltrúaráðið á leigu 315 fermetra atvinnuhúsnæði að Skipholti í Reykjavík. Samkvæmt samningi var um að ræða tímabundna leigu frá 31. mars 2021 til 1. október sama ár. Leiguverðið var samkvæmt samningnum 600.000 krónur á mánuði og skyldi greiðast fyrsta hvers mánaðar, og þá var krafist 1.200.000 króna tryggingagreiðslu áður en húsnæðið yrði afhent. Leigusamningurinn var undirritaður og húsnæðið afhent 31. mars 2021.Fulltrúaráðið greiddi hins vegar ekki trygginguna né greiddi leigu á gjalddaga 1.apríl 2021 eða síðar, heldur lýsti yfir riftun samningsins 8 dögum eftir að húsnæðið var afhent. Forsenda að hægt væri að bjóða veitingar Fyrir dómi sagðist Fulltrúaráðið hafa verið að leita að leiguhúsnæði sem nýta átti sem kosningaskrifstofu fyrir komandi kosningar snemma árs 2021. Nýta hafi átt húsnæðið annars vegar undir vinnuaðstöðu fyrir starfsmenn, skrifstofur og úthringiver, og hins vegar til þess að hýsa fundi og samkomur vegna kosningabaráttunnar, þar sem boðið yrði upp á veitingar. Ráðið sagðist hafa verið að leita að auðu húsnæði þar sem áður hefði verið veitingarekstur og hafi forsenda leigunnar verið sú að unnt yrði að undirbúa og bjóða fram veitingar í húsnæðinu. Fulltrúaráðið hélt því fram að við skoðun á húsnæðinu þann 5.mars 2021 hafi verið rafmagnslaust og sérstaklega hafi verið dimmt í eldhúsi, en fullyrt hefði verið við skoðun að eldhúsið væri tilbúið til notkunarog að eldhúsaðstaðan væri fullnægjandi. Ráðið taldi því að þar væru nauðsynleg tæki og tól til veitingarekstrar og tók þá ákvörðun um að leigja húsnæðið undir kosningaskrifstofu sína. Fulltrúaráðið lýsti því fyrir dómnum að ljóst hefði verið við afhendingu á húsnæðinu að eldhúsaðstaða þess væri með öllu ófullnægjandi og í ósamræmi við yfirlýsingar af hálfu Sjónvers fyrir og við samningsgerðina. Forsendur að baki samningnum hafi því verið brostnar og ómögulegt að nýta húsnæðið undir kosningaskrifstofu. Leigusamningum hafi því verið rift með formlegum hætti og lyklum skilað þann 8. apríl 2021. Ráðið sagðist ekki hafa fengið nein viðbrögð við riftuninni, en henni var komið til Sjónvers þann 9. apríl 2021 fyrir milligöngu leigumiðlara. Sjónver hélt því hins vegar fram fyrir dómi að leiguhúsnæðið hefði verið afhent í umsömdu ástandi og í fullu samræmi við leigusamning. Skilyrði til riftunar af hálfu Fulltrúaráðsins hafi því ekki verið uppfyllt og riftun verið óheimil og ólögmæt. Fulltrúaráðið hélt því hins vegar fram að riftunin á leigusamningnum hefði verið réttmæt og nauðsynleg vegna verulegra vanefnda Sjónvers, sem hefðu falist í slæmu og raunar ónothæfu ástandi eldhúss fasteignarinnar. Samningur ekki talinn ósanngjarn Leigumiðlari sem bar vitni fyrir dómi sagðist hafa fengið þær upplýsingar að tilgangur Fulltrúaráðsins væri að leigja húsnæðið fyrir kosningaskrifstofu þar sem hægt væri í mesta lagi að bjóða súpu og kaffi. Legið hefði fyrir að húsnæðið þyrfti að þrífa og að eldhúsið væri í óviðunandi ástandi. Leigumiðlarinn kvaðst hafa upplýst um að ekki væri fyrir hendi aðstaða til að hita súpu og kaffi og fulltrúi Fulltrúaráðsins hefði sagt að Fulltrúaráðið tæki að sér að bæta þar úr. Í niðurstöðu dómsins kemur fram að Fulltrúaráðinu hefði mátt vera ljóst að við samningsgerð að úrbóta í eldhúsi var þörf og að Sjónver myndi ekki bæta þar úr. Dómurinn féllst ekki á það að samningurinn væri ósanngjarn eða að á honum væru annmarkar. Var það niðurstaða héraðsdóms að Fulltrúaráðið skyldi einungis greiða Sjónveri gjaldfallna leigu fyrir aprílmánuð 2021 ásamt dráttarvöxtum frá gjalddaga. Dómur Héraðsdóms í heild sinni.
Dómsmál Samfylkingin Reykjavík Mest lesið „Við vitum að þessu er stjórnað af Áslaugu Örnu“ Innlent Lýsir ógnarástandi í bekk dóttur sinnar: „Ofbeldið er enn þá alvarlegra en fólk heldur“ Innlent Samúel Jói og Shamsudin-tvíburarnir á leið í steininn Innlent Jóhann Páll hækkar hreindýraveiðileyfi hressilega Innlent Missa herbergið eftir allt saman: „Með eindæmum lítilmannlegt“ Innlent Svekktar og reiðar yfir viðbrögðum veitingamannsins Innlent Vilja afnema sérréttindi opinberra starfsmanna Innlent Ók á fólk á götum München: Segja að um árás sé að ræða og 27 eru særðir Erlent Flugfélögum verði skylt að afhenda farþegalista Innlent Kristín til aðstoðar forsætisráðherra Innlent Fleiri fréttir „Þetta er beinlínis hryllingur“ Hildur H. Dungal nýr skrifstofustjóri hjá Ingu Sæland Segja fullreynt að ræða við Vegagerðina og biðla til ráðherra um aðgerðir Sláandi myndskeið af meintu dýraníði og einhleypir koma saman Handtekinn grunaður um líkamsárás eftir að vitni elti hann uppi „Við viljum bara keyra hlutina í gang“ Ólafur Reynir nýr starfsmaður þingflokks Framsóknar Vilja afnema sérréttindi opinberra starfsmanna Hætta áætlunarflugi til Húsavíkur í næsta mánuði Jóhann Páll hækkar hreindýraveiðileyfi hressilega Missa herbergið eftir allt saman: „Með eindæmum lítilmannlegt“ Kristín til aðstoðar forsætisráðherra Lagði hendur á lögreglumenn í landgangi Undanþágubeiðninni ekki hafnað Samúel Jói og Shamsudin-tvíburarnir á leið í steininn Ekkert sem bendi til þess að þetta ætti ekki að takast Borgaryfirvöld svara engu og Búseti ekki séð neinar breytingatillögur Flugfélögum verði skylt að afhenda farþegalista „Séra Jón stjórnmálaflokkanna og bara Jón almennings“ Meirihlutaviðræður enn í gangi Sigrún aðstoðar kryddpíurnar í borginni Lýsir ógnarástandi í bekk dóttur sinnar: „Ofbeldið er enn þá alvarlegra en fólk heldur“ Fundað um afmarkaðan þátt kjaradeilunnar Saksóknari hefði þurft að geta í eyðurnar Stöðvar framkvæmdir við Þorlákshöfn vegna kæru brimbrettafólks „Við vitum að þessu er stjórnað af Áslaugu Örnu“ Samgöngustofa hafnar beiðni Norlandair um undanþágu frá lokun Húsbrot, þjófnaðir og slagsmál Vill auka eftirlit með þungaflutningum Líklegast að gos hefjist í seinni hluta febrúar Sjá meira